Азия Кубогу: Азия футбол конфедерациясы БАЭ футбол ассоциациясы жөнөткөн нааразычылыгын кабыл алган жок

Азия футбол конфедерациясы БАЭ футбол ассоциациясынын нааразычылыгын кабыл алган жок. Бул тууралуу АФКнын маалымат кызматы кабарлады.

Белгилүү болгондой, БАЭ курама командасы Азия кубогунун жарым финалында Катар курамасы менен болгон беттештин жыйынтыгына нааразычылыгын билдирген. Эки команданын беттеши 29-январда Абу-Даби шаарында өтүп, Катар улуттук курамасы БАЭни ири эсепте - 0:4кө утуп алган. Андан кийин БАЭнин футбол ассоциациясы Катар улуттук курама командасындагы 2 оюнчунун мыйзамдуулугун кароо боюнча кайрылган. БАЭнин футбол ассоциациясы Катар курамасынын 22 жаштагы чабуулчусу Альмоез Али менен 21 жаштагы коргоочу Бассам Аль Равинин Катардын курамасында ойноого укугу жок деп эсептейт. Буга БАЭ Альмоез Али Суданда, Бассам Аль Рави Багдадда төрөлүп, 18 жашынан кийин Катарда 5 жыл үзгүлтүксүз жашаган эмес деген жүйөнү айтышкан.

БАЭ курамасынын нааразычылыгына АФК төмөнкүдөй жооп кайтарды:

"АФКнын тартип жана этикалык комитет БАЭ футбол ассоциациясы Катар курамасынын 22 жаштагы чабуулчусу Альмоез Али менен 21 жаштагы коргоочу Бассам Аль Равин боюнча жөнөткөн нааразычылыгын кабыл алган жок", - деп жазылган катта.

ФИФАнын жобосуна ылайык, оюнчулар кайсы бир өлкөнүн курама командасында ойноо үчүн 18 жаштан кийин ошол өлкөнүн аймагында 5 жыл жашашы керек. Азия футбол конфедерациясы бул эреженин негизинде жазылган арызды карап чыга турган болгон.

Автор: Нурсултан Нурболот уулу

17:48 01-02-2019

Жазылуу

Тектеш кабарлар:

Александр Крестинин: "Индия менен боло турган беттеште толук күчүбүз менен ойнойбуз"

Катар курама командасы Азия Кубогунун чемпиону болду

Азия Кубогу-2019: Кыргыз-Түштүк Корея беттешинин алдында кореялык футболчулар машыгууларын өткөрдү

Филиппин курамасынын машыктыруучусу: "Кыргыз курамасын жеңип алабыз деп ишенем"

Филиппин дарбазасына 3 гол киргизип, күндүн каарманына айланган Виталий Люкс (өмүр баяны)

Футбол боюнча Кыргыз улуттук курамасы БАЭде машыгууларды өткөрдү

Азия Кубогу: БАЭ менен беттеште Кыргыз улуттук курама командасы кызыл түстөгү футболка менен ойнойт

Футбол боюнча улуттук курама команда Азия Кубогунун тандап алуу оюндарында Макаону 28-мартта кабыл алат

Кыргыз-Түштүк Корея курама командаларынын беттешинен фоторепортаж

Кыргыз Республикасы – Макао 1:0. Татаал оюндагы тиешелүү жыйынтык

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (5)

interpol

2019-02-01 18:36:51

АФК га бизда нааразычылык жөнөтүп көрбөйлүбү ушул Эмираттар менен болгон беттешти карап көрсүн

Muratmipa

2019-02-01 22:41:17

Мындайда бизде ажапп болсун деп коет кайтар дуйно кайтат Кфргызстан менен ойногондо кысып ойнош керек эле

Shuhrat96

2019-02-01 22:50:53

Бирок бизде өтө чоң жылыш бар мурдагы
Мисал катары эле 5 жыл мурунку курама менен азыркы кураманы салыштырып көргөндө жер менен асмандай
Чынын айтканда мен мен Кыргызстан курамасы мындай ойногонун көрө элек болчумун
Алга Кыргызстан
Алга ак шумкар

nurbek11

2019-02-01 23:24:01

Ошондо Адам 23 жашка толмоюнча улуттук курамда ойной албай калабы.

aslan_akjol89

2019-02-02 12:04:09

nurbek11,эгер башка олкодо туулган болсо.

Комментарий калтыруу үчүн өз ысымыңыз менен кириңиз же каттоодон өтүңүз.