Казакстан Кыргыз өлкөсүнүн айыл чарба продукциясына койгон чектөөсүн алды

Казакстанга Кыргыз өлкөсүнүн айыл чарба продукциясын киргизүүдөгү убактылуу чектөөнү алуу боюнча протоколго эки тараптуу кол коюлду. Бул тууралуу өкмөттүн аппаратынан билдиришти.

Кечээ, 28-февралда Астана шаарында Кыргыз Республикасынын вице-премьер-министри Жеңиш Разаков Казакстандын өкмөт башчысынын орун басары менен жолукту. Разаков Казакстандын өкмөт өкүлү менен ветеринария, фитосанитария жана суу-энергетика чөйрөсүндөгү маселелер боюнча сүйлөшүүлөрдү жүргүздү.

"Сүйлөшүүлөрдүн жыйынтыгында үстүбүздөгү жылдын 19-февралында киргизилген Казакстанга картошка, алма жана курманы ташууга убактылуу чектөөнү алуу боюнча протоколго кол коюлду.

Мындан тышкары Кыргыз-Казак мамлекеттик чек ара тилкесинде көзөмөлдү алып салуу жөнүндө маселе талкууланган. Тараптар Кыргыз Республикасына казакстандык комиссияны жөнөтүүгө макулдашты. Алардын сапарынын жыйынтыгы боюнча Кыргыз мамлекетинин ветеринардык көзөмөлүнүн эквиваленттүүлүгүн таануу жана Кыргыз-Казак мамлекеттик чек ара тилкесинде ветеринардык-фитосанитардык көзөмөлдү алуу жөнүндө маселе ЕАЭБ кеңешинин 2019-жылдын 29-мартына белгиленген кезектеги жыйынына чыгарылат", - деп билдирди өкмөттүн аппаратынын басма сөз кызматы.

Ошондой эле тараптар айланма Чүй-2 каналынын курулушу, Чу дарыясынын бассейниндеги сууну эсептөөнү автоматташтыруу боюнча өз ара түшүнүшүүгө жетишти.

Вице-премьер-министр Жеңиш Разаков баштаган Кыргыз өлкөсүнүн делегациясын Казакстандын премьер-министри Аскар Мамин кабыл алган.

13:51 01-03-2019

Автор: Наргиза Өмүрбек кызы

Жазылуу

РУБРИКАДАГЫ СОҢКУ КАБАРЛАР

20:05 2024-05-04 | Коом жана турмуш

Бишкектен Ошко учкан учак авариялык жагдайдан улам кайра конду 2177 0

19:39 2024-05-04 | Коом жана турмуш

Чүйдө жол жээгиндеги баш аламан соода-сатыктар иретке келтирилүүдө 635 0

18:09 2024-05-04 | Коом жана турмуш

ИИМдин кызматкерлери Чолпон-Атада өткөн эл аралык марафонго катышты 397 0

17:48 2024-05-04 | Коом жана турмуш

Сузак окуясы боюнча милиция жетекчилери кызматтан алынды 1792 0

17:25 2024-05-04 | Коом жана турмуш

Самат Эркинбеков: "Аялды муштум менен эмес, акыл менен деле башкарса болот" 1048 0

15:55 2024-05-04 | Коом жана турмуш

Өлкөдө канча соода борбору бар экени белгилүү болду 1238 0

Архив

Комментарийлер (2)

Dembele84

2019-03-01 14:26:17

Ооздуктап койолу деген экен да,раслабуха кармап кетпесин кыргыз туугандар деп...

Aikaaaa

2019-03-01 16:15:45

Эми баары чирип, соолуп жок болгондон кийин ачылганынын эмне кереги бар эле, казактарга суу керек болот да, өзүлөрүнүн камын ойлошкон экен. Керексиз убакта жаап, керектүү убакта ачып коюшат. Биздин келесоолорго баары бир. Эми көрөбүз го, баары бышканда, аларга суунун кереги жок болуп калганда кайра жаап коюшат

Комментарий калтыруу үчүн өз ысымыңыз менен кириңиз же каттоодон өтүңүз.