Тажикстанда 83 жаштагы кемпирди кызы менен кошо өз үйүнөн карышкырлар талап өлтүрдү

Тажикстанда 83 жаштагы кемпирди кызы менен кошо карышкырлар талап өлтүрдү. Бул тууралуу чет элдик маалымат булактары жазууда.

Ага ылайык, окуя Шунган районундагы Мденхор кыштагында 7-марттын таңында болгон. Жырткыч жаныбарлар алардын үйүнүн короосуна кирип келишкен. Улгайган аял менен анын 55 жаштагы кызы эртең менен сыртка чыкканда бир топ карышкырлар талап, тиштеп салышкан, 2 аял тең ошол жерде жан берген.

Мындай коркунучтуу көрүнүш аталган райондо буга чейин да катталып келгендиги жазылат маалыматта. Ушул эле жылдын январь айында Даштак айылында карышкыр 5 жаштагы балага кол салган. Анда жергиликтүү жашоочулар баланы куткарып калышкан. Бирок ал денесинин көп жеринен жаракат алып, ооруканага жеткирилген. Андан көп өтпөй ушул эле айылда 30 жаштагы милиция кызматкери үйүнөн чыккан кезинде артынан топ карышкыр кууган. Ал коңшусунун үйүнө качып кирип кутулган. Даштакка жакын Сипинз айылында да карышкыр 6 жаштагы баланы тиштеп, туугандары жырткычтын тишинен аны куткарып калышкан.

Укук коргоо органдары аңчылык кылган фирмалар менен сүйлөшүп карышкырлардын тобун атуу аракеттерин көрсө да алардын адамга кол салуусу уланып жатат. Тажикстандын Аңчылар ассоциациясынын башчысы топ карышкырдын айылга чейин кирип келүүсүн кышкысын тоодон жегенге жандык таппай ачка болуп жаткандыгы менен түшүндүрүп, үй жаныбарларына кол салуу үчүн келип жатышат деп айткан.

"Ошол маалда адамдар туш болуп ач карышкырлар аларга кол салууда, жырткычтарды атып жок кылуу керек", - деген ал өзүнүн билдирүүсүндө.

Автор: Кызжибек Раимова

11:52 08-03-2019

Жазылуу

РУБРИКАДАГЫ СОҢКУ КАБАРЛАР

17:41 2025-06-14 | Коом жана турмуш

Кулубаев Оман Султандыгынын тышкы иштер министри менен сүйлөштү 55 0

16:55 2025-06-14 | Түркүн дүйнө

Израил Ирандын негизги илимпоздорун жок кылганын билдирди 675 0

16:07 2025-06-14 | Маданият, шоу-бизнес

Эл аралык көргөзмөгө катышуу үчүн чыгармачылык иштерди тандоо башталды 131 0

15:36 2025-06-14 | Коом жана турмуш

Ошто турак үйдөн өрт чыгып, 63 жаштагы аял каза тапты 424 0

15:31 2025-06-14 | Бизнес-Инфо

Алдыңкы клубдар, катуу матчтар, ысык оюн талаасы – O!TV'да FIFA Дүйнөлүк Клубдук кубогу 166 0

15:17 2025-06-14 | Түркүн дүйнө

Арасында Кыргызстан дагы бар... Air Arabia авиакомпаниясы каттамдарын убактылуу токтотту 973 0

Архив

Комментарийлер (6)

Nur777

2019-03-08 12:52:36

Бей ажал олумдон Кудай сактасын!
Адам кандай учурда,кандай ажал алаарын билбейт турбайбы...
Жаткан жерлери жайлуу болсун апалардын.

Bars88

2019-03-08 13:31:54

Силердин депутаттар жакшы иштебейт окшойт.Биздикилер вертолет танка менен атып атышпайбы карышкырларды

+22

mbmur

2019-03-08 13:35:52

Bars88,Уялбай элеби?)))

+14

Nur777

2019-03-08 13:47:14

mbmur,шапкасын баса кийип алса уялбайт

+13

Aiymkunumjyldyzym

2019-03-08 22:45:01

Al karywkyrlardyn astynan bizdegi 120 jandyk,it kuw,iwi kylyp jegenge ylaiyktuulary but chyga kalsa ee,Ustudogu kommentaryiler jarat go ,Oi bizdikiler,bizdikiler.Adamdardyn ilhomun keltiresiner go chirkin luboi jerde.

Baatirbek81

2019-03-08 23:59:45

Биздин депутатарды жиберсе карышкырлар калбай калат,биздикилер карышкырды кой жегендей жеп таштайт.

Комментарий калтыруу үчүн өз ысымыңыз менен кириңиз же каттоодон өтүңүз.