Жалал-Абадда мектеп мугалими кургак учуктун ачык түрү менен ооругандыгы аныкталды. Текшерүүдө 2 окуучудан оору белгилери байкалган

Сузак районунун Барпы айылындагы орто мектепте эмгектенген мугалимдердин бири кургак учуктун ачык түрү менен ооруганына карабай иштеп келген. Бул тууралуу SUPER.KG`ге аталган айылдын тургуну билдирди.

"Жалал-Абад облусундагы Сузак районуна караштуу Барпы айылындагы Т.Темирбаев атындагы мектептин мугалимдеринин бири кургак учук менен ооруп жүргөнү белгилүү болгондон кийин мектеп окуучулары эмдөөдөн өткөрүлгөн. Эмдөөдөн өткөн соң жүздөгөн окуучулардын колдору шишип, рентгенден өтүүгө жиберилген. Алардын ичинен 2 балага оору жугуп калган деген шек менен Жалал-Абад шаарындагы Кургак учукка каршы күрөшүү борборуна жаткырылды. Муну уккандан кийин балдарыбызды мектепке жибергенден коркуп калдык.

Эмнеге мугалимдердин ден соолугун текшербей туруп иштегенге уруксат берет? Оору жугузган балдар үчүн ким жоопкерчилик алат? Биздин кошунабыздын баласы да ооруканага жатып калды. Ата-энеси "эч кимге айтпагыла дешти" деп тиешелүү органдарга арыздана албай коркуп отурушат", - деди айыл тургуну.

Аталган маалыматты Жалал-Абад шаарындагы Кургак учукка каршы күрөшүү борборунун башкы дарыгери Бурул Кадырова да тастыктады. Анын айтымында кургак учук менен ооруп жүргөн мугалим мектепке жакын жайгашкан спорт комплексинде да кароолчу болуп иштеп жүргөн.

"Темирбаев атындагы гимназия мектебинде иштеген 56 жаштагы А.С. аттуу мугалим 25-март күнү биздин борборго жаткан. Текшерүүдө анда кургак учуктун БК+ формасындагы ачык түрү бар экендиги аныкталган. Мугалимдин оорусу белгилүү болгондон кийин Барпы айылындагы Үй-бүлөлүк дарыгерлер борборунун жетекчилигине кат жазып, мектептин окуучуларын текшерүүгө тапшырма бергенбиз. Бардык балдар эмдөөдөн өткөрүлүп, рентгенге түшүрүлгөн. Жыйынтыгында 6-класстын 2 окуучусунан оорунун белгилери байкалып, алар учурда балдар бөлүмүндө дарыланып жатышат.

Окуучулардын абалы азыр жакшы. Алардын өпкө жолдорундагы бронха бези чоңоюп калган. Кургак учук ошол бронха бездеринен башталат. Бирок өпкөгө өткөн эмес. Балдардын организми жакшы болгондуктан дарылоону жакшы кабыл алып жатат. Алардын айыгып кетүүсүнө кепилдик бар", - деди Кадырова.

17:43 24-04-2019

Автор: Бекболот Сарыбаев

Жазылуу

РУБРИКАДАГЫ СОҢКУ КАБАРЛАР

09:50 2024-04-24 | Спорт

Ошто оор атлетика боюнча өспүрүмдөр арасында өлкө биринчилиги өтөт 49 0

09:46 2024-04-24 | Түркүн дүйнө

"Көрүстөнү болбойт". "Крокуста" өлгөн ырчынын апасы уулунун өлүмүн далилдей албай жатат 163 0

09:45 2024-04-24 | Коом жана турмуш

Бишкекте карызы бар абоненттердин электр жарыгы өчүрүлөт 69 0

09:27 2024-04-24 | Спорт

Акжол Махмудов Олимпиаданын финалындагы атаандашы менен Бишкекте жолукту 369 0

09:26 2024-04-24 | Коом жана турмуш

Бүгүнкү күнгө карата доллар менен рублдун курсу 253 0

09:07 2024-04-24 | Саясат

Алтынбек Максүтов Азербайжандын маданият министри менен жолукту 138 0

Архив

Комментарийлер (6)

Patirot

2019-04-24 17:57:36

Мед кинга жасатып анан ишке алыш керек Россиядай кылып

PROS

2019-04-25 08:12:33

Patirot, анда аны деле акчага сатышат биздин шумпайлар!

Benazir08

2019-04-24 18:12:17

Ошо да медкнижка сураш керек любой жерде анан кан тапшырып баарыбыз отушубзу керек кудай сактасын эми. Кургак учукка срочно ооруп калган 2 бала кучуктун этин шорпо кылып кайнатып абдан кайнатып суусу аз калганда ичирип коюшсун сакайып кетет жоголуп кетет. Биз жакта биро ошентип ичип айыгып кетти.

-2

aliya-leyla

2019-04-24 18:38:13

Санкнижка бар. Жылда отуп турушат. Бирок ал жерге барып кезек кутуп флюрограммага тушкондон зээригип, же убактым аяп акча берип бастыра калышат да допуск к работе деген печатты.

Shaa-82

2019-04-25 06:45:14

Оа ошо санкнижканы акчага бастырып алгандын кесепетида. Озубуздо да куноо зээригип же иштен бошобогон адам болуп акчага бастыра коебуз, ден-соолук акыры озубузго керекго.

Shokoladka94

2019-04-25 11:22:01

Жоопкерчилик жок да

Комментарий калтыруу үчүн өз ысымыңыз менен кириңиз же каттоодон өтүңүз.