УКМКнын кызматкерлери борбордогу кафелердин биринин күзөтчүсүн бычактаган деген маалымат айтылууда

Бишкектеги кафелердин биринде 25-апрелден 26-апрелге караган түнү УКМКнын кызматкерлери делген адамдар менен аталган жайдын күзөт кызматкерлеринин ортосунда жаңжал чыкканын айрым жалпыга маалымдоо каражаттары жазышууда.

Анда УКМКнын кызматкерлери эс алуучу жайды көзөмөлдөгөн күзөт кызматкерин сабап, андан соң бычак менен жаракат келтиришкени жазылат. Окуя болгон жерге Октябрь РИИБинин кызматкерлери барып, кызматкерлерди кармап кетишкен. Ал эми ошол убакта УКМКнын кызматкерлери мас абалында болушканы айтылат.

Бул факты боюнча УКМКнын басма сөз кызматына кайрылганыбызда бул окуя териштирилип жатканын айтып, башка маалымат бере албастыгын билдирди. Ал эми Бишкек ШИИББи дагы ушундай эле жоопту узатты.

Ал эми Башкы прокуратуранын басма сөз кызматына кайрылганыбызда, Бишкектеги Бахчай кафесинде жаңжал болгонун тастыктап, буларды билдирди.

"Аталган жайда чыр чыкканын тастыктай алабыз. Бул факты кылмыштардын жана жоруктардын бирдиктүү реестрине катталып, учурда тергөө иштери башталды. Бирок бул окуяга катыштыгы бар адамдар УКМКнын кызматкерлери деп так кесе айта албайбыз", - деди басма сөз катчы.

Автор: Айсалкын Качкынбекова

17:18 26-04-2019

Жазылуу

РУБРИКАДАГЫ СОҢКУ КАБАРЛАР

11:54 2025-06-10 | Кылмыштар, кырсыктар

Өлкөдө бир суткада 37 өрт кырсыгы катталды 54 0

11:46 2025-06-10 | Коом жана турмуш

Балыкчынын жээгинде грек кудайлары Зевс менен Посейдондун айкелдери пайда болду 154 0

11:45 2025-06-10 | Коом жана турмуш

Кара-Кулжадагы келиндин өлүмүнө байланыштуу кармалган Улановдун агасы мурдагы милиция кызматкери болгон 243 0

11:31 2025-06-10 | Түркүн дүйнө

Дүйнөдөгү эң узун темир жол каттамы ишке киргизилет 213 0

11:24 2025-06-10 | Спорт

Камчыбек Ташиев Өзбекстанды Дүйнө чемпиондугуна чыгышы менен куттуктады 246 0

11:09 2025-06-10 | Түркүн дүйнө

Израиль Madleen кемесиндеги активисттерди өлкөдөн чыгарып жатат 164 0

Архив

Комментарийлер (2)

Suleiman-

2019-04-26 19:29:26

Албетте карганын көзүн карга эч качан чокубайт.... иши кылып карапайым элге залалы тийбесе болгону,,, кудайым ар бир башкаруу, коргоо , дарылоо тарабында эмгектенгендерге адилеттүүлүк, ыймандуулук, калыстык, жупунулук сапат берген болсун!

Krai

2019-04-27 14:17:52

Албетте айта албайт да укмкнын кызматкери деп айтты дегиче эле энесинин тоюн көрдү дей бер

Комментарий калтыруу үчүн өз ысымыңыз менен кириңиз же каттоодон өтүңүз.