Бишкекте "акча уурдадың" деп таякеси унаага сүйрөткөн баланын апасы Орусиядан келе жатат

Бишкекте "акча уурдадың" деп таякеси унаасына сүйрөткөн 9 жашар баланын апасы Орусиядан келе жатат. Бул тууралуу Акыйкатчы институтунун басма сөз кызматы кабарлады. Ошондой эле бул окуяны акыйкатчы Токон Мамытов өз көзөмөлүнө алды.

Маалыматка ылайык, Акыйкатчы институтуна бул маалымат жеткен соң акыйкатчынын орун басары Биринчи Май райондук социалдык өнүктүрүү башкармалыгына кат жолдогон. Катта тезинен баланын абалынан кабар алуу жана ал жашаган үй-бүлөнүн абалын текшерүү керектиги айтылган. Ошондой эле баланын мындан аркы жашоосу боюнча иш-чараларды баштоо тапшырмасы коюлган.

Ал эми акыйкатчы жабырлануучу бала жаткан №3 Балдар ооруканасынын дарыгерлери менен жана ал окуган мектептин директору менен сүйлөшүү жүргүзгөн.

"Учурда баланын апасы Орусиядан учуп келе жатат. Бала ооруканадан чыккан соң балдарды коргоо социалдык мекемесине же кризистик борборго бара турганы боюнча маселе каралып жатат. Ошондой эле ага социалдык жана психологиялык жардам керек", - деп жазылат маалыматта.

Окуянын чоо-жайына кайрылсак:

Окуя 27-апрель күнү Алтын-Казык жаңы конушунда эртең мененки саат 8:00 чамасында орун алган. Анда таенесинин акчасын уурдады деп 9 жаштагы баланы таякеси унаасына жип менен байлап, бир нече метрге чейин сүйрөп барган. Балага мындай аёосуз мамиле кылганын көргөн кошуналары милиция кызматкерлерин чакырышкан. Кийинчерээк баланын атасы каза болуп калган жана апасы Орусияда иштеп жүргөнү аныкталган.

Автор: Айсалкын Качкынбекова

20:46 30-04-2019

Жазылуу

РУБРИКАДАГЫ СОҢКУ КАБАРЛАР

11:59 2025-07-19 | Коом жана турмуш

Бишкекте 20-21-июль күндөрү жол кыймылына чектөө киргизилет 74 0

11:26 2025-07-19 | Түркүн дүйнө

Чехияда коммунизмди үгүттөөгө тыюу салган мыйзам кабыл алынды 131 0

10:54 2025-07-19 | Спорт

Денис Петрашов Германияда өтүп жаткан Дүйнөлүк Жайкы Универсиадада алтын тагынды 277 0

10:35 2025-07-19 | Коом жана турмуш

Милиция кызматкерлери сууга түшүп кеткен унаадан баланы жана анын атасын куткарышты(видео) 545 0

09:56 2025-07-19 | Коом жана турмуш

Блог: Байыркы тарых менен заманбап доор айкалышкан Египет 3441 0

09:14 2025-07-19 | Коом жана турмуш

Кореяда, Америкада окуган кыргыз кызы Гулизанын Таластан башталган билим сапары, максаттары (маек) 2552 0

Архив

Комментарийлер (5)

xnurgul_gul

2019-04-30 22:34:15

Кагылып журойун кучук десе балалык кылып уурдап койгондурда. Жон айтып же эптей албаса Апасына алып кет же озун кара деп айтпаптырда Эми омур бою меесинде калат ушул балалык кездеги алган травма айыкпайт. Мага окшоп менин тайкем ушундай жоруктарды кылган эле мага соз укпайсын деп азыр 30га чыксам да эстеп жашып кетем

Shef87

2019-04-30 22:41:30

Келе жатса жакшы экен кор дуйнону кубалабай баланы карасын келип азга шугур кылып

barakcha

2019-04-30 23:14:12

Эх жашоо...Жетимди кордогон тайакесине мин наалат!

Gulnyr19

2019-05-01 02:01:58

Мындай көрүнүш болотта жаш кезде көпчүлүгүбүз эле алган болсок керек үйдөн акча уурдап магазинге барып ар нерсе алып жеп.

Supsuluu

2019-05-01 14:51:25

Ох, жүрөгүм ооруп кетти. Байкуш бала. Балаңа чымын консо канча жүрөгүң ачышат, тайкеси ХХХХХ экен. Миллионун уурдап, чет өлкөгө качып барып, байып кеткенсип кылган кылыгын акмак. Өмүр бойу жүрөгүндө так калып, чоңойсо энеңин эки тойун көрсөтөт го.

Комментарий калтыруу үчүн өз ысымыңыз менен кириңиз же каттоодон өтүңүз.