Баткендин жаштары өкмөт өкүлдөрүнүн жоопторуна канааттанышкан жок (видео)

Бүгүн, 17-сентябрда Биринчи Май райондук акимиатынын имаратында Кыргыз-Тажик чек арасы боюнча жыйын өттү. Жыйынга Баткен, Талас, Ош жана башка облустардан келген 60-70тей жарандар катышышты. Аталган жыйынга өкмөттүн аппаратынын жергиликтүү өзүн-өзү башкаруу жана уюштуруу-инспектордук иши боюнча бөлүм башчысынын орун басары Жетиген Бакиров, Кыргыз Республикасынын өкмөтүнүн чек ара маселелери боюнча атайын өкүлүнүн орун басары Чыңгыз Мамат уулу, Биринчи Май районунун акиминин орун басары Мавлян Аскарбеков, Мамлекеттик мүлктү башкаруу боюнча фондунун төрагасы Жылдызбек Исакулов, өкмөт аппаратынын укук коргоо бөлүмүнүн өкүлү Адилет Жанузаков катышты.

Бирок чогулган эл өкмөт өкүлдөрүнүн айткан жоопторуна канааттанган жок. Жыйында өкмөт өкүлдөрү менен жарандардын ортосунда пикир келишпестик дагы орун алды. Бул боюнча Лейлек районунун Тынчтык айылынын тургуну Жусуп Бердиев төмөнкүлөргө токтолду.

"Кыргыз-Тажик чек арасындагы абалды оперативдүү чечүү үчүн топтолгонбуз. Бирок өкмөт өкүлдөрүнөн эч ким даяр эмес келгенине байланыштуу, бир дагы сурообузга жооп бере алышкан жок. Мен айылдаштардын аманат сөзүн жеткирейин деп өкмөт өкүлдөрүнө суроо бердим эле. Айылдаштарым "28 жылдан бери Баткен облусунун эли өкмөттөн эч нерсе талап кылбайт, чек араны чечип беришсин, четке кагышпасын" дешкен. Бүгүн жыйынтык болбогондон кийин, өкмөт башчы менен жолугууга тизме түзүлүп жатат", - деди Бердиев.

Ал эми Биринчи Май районунун акиминин орун басары Мавлян Аскарбеков аталган жыйын боюнча төмөнкүлөргө токтолду.

"Чек ара маселесине күйгөн адамдардын бардыгы өкмөт өкүлдөрүнүн катышуусунда чоң конструктивдүү сүйлөшүү болду. Баткен облусунда тез аранын ичинде трансформациядан өтө элек жерлер трансформацияланып, жергиликтүү элге берилип, ошол жерге жайгаштырылышы боюнча, Канттагы авиабазаны Баткенге көчүрүү маселеси, делимитация-демаркация комиссиясынын ачык иштөө маселеси, мамлекеттик комиссия түзүү, анын курамына Мамат Айбалаевди, журналисттерди, активисттерди киргизүү тууралуу сунуштар айтылды", - деди Аскарбеков.

Ал эми жыйын жарандардын купулуна толбой калганы тууралуу ал төмөнкүлөрдү айтты.

"Чынында "жыйынга суроого так жооп бере турган адистер келген жок" деп нааразычылыктарын айткан жарандар болду. Мындан улам эртең, 18-сентябрда жооптуу адамдар менен жолугушуу максатында, ушул жыйындын жыйынтыгы менен он адамдын тизмеси түзүлүп, жолугууга камданып жатышат", - деди ал.

Баткендин жаштары өкмөт өкүлдөрүнүн жоопторуна канааттанышкан жок

Автор: Гүлшат Ысамамат кызы
Фото: Гүлшат Ысамамат кызы

18:49 17-09-2019

Жазылуу

Тектеш кабарлар:

Чек ара кызматы: "Кыргыз-Тажик чек арасында чогулган элди таратуу максатында асманга ок атылды"

Камчыбек Ташиев: "Ворух анклавына эч кандай коридор берилген жок"

Чек арадагы атышуудан дагы эки жаран каза болду. Курман болгондордун жалпы саны 33кө жетти

Чек арада кайрадан чыр. Тажик тарап 3 жаранды кармап, кайра коё бергени айтылды

Кыргыз-Тажик чек арасындагы жаңжалдан кийин Лейлек районуна кете турган Исфана-Баткен унаа жолу жабылды

"Сөөгү күйүп кеткен үйдүн ичинен табылды". Чек ара чырында каза болгондордун саны 35ке жетти

Кыргыз-тажик чек арасында кайрадан жаңжал чыкты

Камчыбек Ташиев: "Эмне үчүн бийлик өзүбүздүн аймагыбызга жол куруу үчүн Тажикстандан уруксат сурашы керек?"

Баткен облусунун жашоочуларынын зыянга учураган үйлөрү мамлекеттин эсебинен толугу менен калыбына келтирилет

"Вице-премьер кыргыз-тажик чек арасына келди, бирок эл менен жолуга элек. Тургундар Жогорку Кеңештин депутаттары келишин күтүп жатат" дейт Ак-Сай айылынын жашоочусу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (7)

JaneEr

2019-09-17 19:01:02

Военный база орнотуп коруш керек

gute

2019-09-17 19:04:42

Канттагы авиабазаны орнотобуз деп эптеп эле алдап жооп берип кутулуш керек окшойт силерге? Орнотобу орнотпойбу аны Орустар чечет силер эмес .

aiba.8327

2019-09-17 19:06:51

Молодцы

-1

Migrant-rf

2019-09-17 19:10:51

100 авия база орнотсоңор деле пайдасы жок, себеби алар биздин чек ара маселесине кийлигише алышпайт.

katerina.li

2019-09-17 19:45:07

Баткендиктер чыныгы баатыр эл экен. Мен ал жака барып коргон эмесмин. Бирок козум жетти кыйын эл экенине. Кыргыздар биригишибиз керек. Чек ара бир эле Баткен элине керек эмес деп ойлойм

Aziat25

2019-09-17 20:08:53

Мен түшүнбөдүм, мамлекеттик чек араны акимдин орун басары чечип калганбы.?
Бул жерде эч бир жыйынтык болбойт. Чечүү үчүн ошол чек арага барып өз көзүбүз менен көргөн жакшыдыр. Ошол жерде жашаган эл билет,кайсы жер бизге тийешуу экенин.

altyn-kumush

2019-09-17 21:18:21

Жаштар азыр баары вспыльчивые! Бироонун созун оной эле суйлоп кетишет. Ушул жаштар бийлик менен иштешип, тынчтык орношуна оз салымдарын кошушса жакшы болмок

-3

Комментарий калтыруу үчүн өз ысымыңыз менен кириңиз же каттоодон өтүңүз.