Мексикада фермадан 25 адамдын жансыз денеси табылды. Алар жиликтенип, мүшөккө толтурулган абалда болгон

Мексиканын Халиско штатындагы Тлахомулько-де-Суньига шаарындагы фермадан 25 адамдын жансыз денеси табылды. Алардын баары жиликтенип, мүшөктөргө салынган. Бул тууралуу жергиликтүү басылмалар жазышууда.

Маалыматка ылайык, аталган фермадан адамдардын дене мүчөлөрү жиликтенген 52 мүшөк табылган. Укук коргоо органдарынын текшерүүсүнүн жыйынтыгында, анда 20 эркек кишинин жана 5 аялдын дене мүчөлөрү болгон. Алардын ичинен 6 денени туугандары таанышкан, ошондой эле маалыматта алардын буга чейин сот жоопкерчилигине тартылгандыгы айтылууда.

Полиция кызматы аталган кылмышка шектүү катары 15 жаранды кармашкан. Кылмышкерлердин ичинен үчөө өспүрүм болгон. Алдын ала маалыматтар боюнча, кылмышкерлер баңги заты менен байланыштуу болгондугу жана алар адамдарды уурдап, зордуктап, кыйноолор менен өлтүрүшкөндүгү айтылууда.

Автор: Сезим Жумагулова