Кытайдын Шинжаң шаарында жергиликтүү бийлик аймакта мусулман динин туткан аз улуттарга карата жасалган саясат тууралуу 400 барактан турган ички документтердин ачыкка чыгышын “фейк” деп атады. Бул тууралуу "New York Times" (NYT) гезитине жарыяланган.Буга карата Шинжаң "New York Times" гезитиндеги материалды ички жана тышкы душмандар тарабынан даярдалган “фабрикация” деп мүнөздөдү.
Мындан тышкары, 18-ноябрда Кытайдын Тышкы иштер министрлиги жарыяланган документтердин анык экенин төгүндөгөн эмес. Кытай өкмөтүнүн Шинжаңдагы программасы ийгиликтүү жүзөгө ашканын, аны башка өлкөлөр да колдонсо болорун билдирген.
Маалым болгондой, Бириккен Улуттар Уюмунун маалыматына ылайык, ушул тушта Кытай бийлиги жалпы саны бир миллиондой уйгур жана башка аз улут өкүлдөрүн атайын лагерлерде эркинен тыш кармап отурганын билдирген. Бирок Кытай тарап мындай дооматтарды четке кагып, андай жайларды "тил жана кесип үйрөтүүчү борборлор" деп атап келе жатат.
