Түштүк кореялык ырчы жана актриса Гу Хара 28 жашында каза болду. Бир ай мурда эле анын курбусу болгон атактуу Солли өз өмүрүн кыйган

Түштүк кореялык ырчы, актриса Гу Хара 28 жашында каза болду. Анын жансыз денеси Сеулдагы үйүнөн табылган. Полиция кызматкерлери изилдөө иштерин жүргүзө баштады. Бул тууралуу дүйнөлүк ЖМКлар жазып чыгышты.

Ага ылайык, ырчы өлүмүнөн мурун кечинде Инстаграм баракчасына өзүнүн сүрөтү менен бирге "жакшы жаткыла!" деген билдирүүнү жайгаштырган.

Буга чейин, тактап айтканда, 2019-жылы 26-майда ырчы өмүрүн кыюуга аракет кылып, ооруканага түшкөн. Менеджеринин айтымына караганда, ал катуу депрессия болуп жүргөн. Депрессияга түшүп кетүүсүнө жана дарылануусуна атактуунун хейтерлер тарабынан көп сындала бергени себеп болгон.

Гу Хара 1991-жылы 13-январда Түштүк Кореянын Сеул шаарында жарык дүйнөгө келген. Ал 2008-жылы "Kara" тобунун курамында дебют жасап, популярдуулукка жеткен. Ырчы актриса катары өзүн сынап көрүп, "Шаардык мергенчи" ("Городской охотник") сериалына (2011) тартылган.

Атактуунун жакын курбусу болгон ырчы жана актриса Соллинин да жансыз денеси өткөн айда өз үйүндө табылган. Анын өлүмү Түштүк Кореяда талкуу жаратып, "Солли өзүн өлтүргөн жок, аны хейтерлер өлтүрдү" дегендер көп болгон. Мындан улам, аталган өлкөдө жаман комментарий жазгандар боюнча атайын мыйзам долбоору иштелип чыкмай болгон.

Автор: Айжанар Рыспек кызы

14:16 25-11-2019

Жазылуу

РУБРИКАДАГЫ СОҢКУ КАБАРЛАР

13:00 2025-05-10 | Коом жана турмуш

Жалал-Абад шаарына курулуучу аэропортттун долбоору жарыяланды 6 0

12:39 2025-05-10 | Спорт

Эртең кыргыз мушкери Валентина Шевченко франциялык Фиоро менен беттешет (видео) 77 0

11:46 2025-05-10 | Коом жана турмуш

Бишкекте Жеңиштин 80 жылдыгын утурлай Чолпонбай Түлөбердиев атындагы музей ачылды 216 0

11:08 2025-05-10 | Коом жана турмуш

Садыр Жапаровдун жерге жармаштырылган желекти алып, чөнтөгүнө салган видеосу тарады 1577 1

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 385 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 1186 0

Архив

Комментарийлер (3)

Jasi.jasi

2019-11-25 14:53:28

Неге кореялык атактуулар кобунчо эле озунун жанын оздору кыят эч тушунбойм.Ушу депрессия,стресс деген тушунук жок эле болуп калса болмок:((

KAYRATBEK

2019-11-25 15:37:19

Депрессия стресс деген болбогон бир жоо жомок. Кудай Таалам жашоону бир берет. Башка тобон менен жер казсан да келбейт. Кудай Таалам айткан жол менен таттуу жашасанар болбойбу.

-adam

2019-11-26 00:38:51

Кобунчо атактуулука через постель келишет.Ар кимге салып анан атактуу болот деп окудум окшойт

Комментарий калтыруу үчүн өз ысымыңыз менен кириңиз же каттоодон өтүңүз.