super.kg logo

Японияда ресторан ачып, ага эч ким келбей ыйлаган кыргыз кызы. Асел Минагава: "Ресторанга кардарлар келип баштады"

 

Апта башында Японияда ресторан ачып, ага бир да кардар келбей койгонуна капаланып ыйлаган кыргыз кызынын видеосу тараган. Видео социалдык тармактарга бат жайылып, мекендешибизди колдоочулар аябай көп болду. 1 күндө интернет жылдызына айланган мекендешибиз asel.minagawa менен байланышып, анын кантип япон келини болуп калганы, элди кызыктырган ресторанынын азыркы абалы тууралуу баарлаштык.

- Саламатсызбы, Асел? Алгач өзүңүз тууралуу кенен айтып берсеңиз.

- Саламатчылык. Мен Бишкекте төрөлүп-өскөм. Алгач Юридикалык колледжде окуп, андан соң Борбор Азия эл аралык университетинин эл аралык мамилелер факультетин аяктагам. Мени көбү олигархтын кызы деп ойлошот экен. Ата-энем карапайым инженер-куруучулар. Үйдө 4 бир тууганбыз, сиңдим, анан эки иним бар.

- Япон элине келин болуптурсуз. Болочок жолдошуңуз менен кантип таанышып калгансыз?

- Мен негизи азиялыктарга турмушка чыкпайм деп айтчумун. Бирок Кудайдын мага койгон башка планы бар экен (күлүп). Лондондо иштеп жүргөндө корей улутундагы курбум "жүрү япондордун чогулушу болот экен, барып келели" деп калды. Ал жакка бардык. Бир маалда Теру жаныма келип, сүйлөшүп калды. Ал кезде 19 жаштагы кыз элем. Аябай кызыктай абалда болгом. Курбума япон эли кызыктай экен, мен үйгө бара берейинчи деп кетип калдым. Үйгө келсем, Теру экөөбүздү сүрөткө тартып алышкан экен, бизди белгилеп, сүрөтүбүздү Фейсбукка жүктөп коюптур. Теруга достук жөнөтсөм, дароо кабыл алды. Экөөбүз бат эле жакшы сүйлөшүп кеттик. "Кечирип кой, сага жакшы көңүл бөлө албай калдым. Аябай сулуу кыз экенсиң" деген сөздөрдү айтты. Сүйлөшүп жүрүп экөөбүз окшош клубдарга (чет өлкөлүктөр чогулган дебаттар) барып жүргөнүбүздү билдик. Көрсө, ал ошондо эле мага маани берип, таанышкысы келген экен. Экөөбүз дос катары сырдашып, жакшы сүйлөшүп калганда ал башка жакка кетти. Негедир аны узаткан соң сагынып жүрдүм. Теру бир айдан соң кайра Лондонго келип, "сени жалгыз калтыргым келбейт. Жанымда болчу дайым" деди. Ошентип сезимдерибизди ачыктап, кыз-жигит катары сүйлөшүп калдык. Кийинчерээк мен мекениме кайтып келдим, жарым жылдан кийин Теру артымдан келип ата-энемден колумду сурап, ошентип экөөбүз 5 жыл мурун баш кошконбуз.

- Япон күйөө баласын жакындарыңыз кандай кабыл алды?

- Баары жакшы кабыл алышты. Ата-энем Теруну өз баласындай көрөт. Сүйлөшкөн сайын мага "сенин мүнөзүңдү биз жакшы билебиз, балабызды жакшы кара" деп эскертип турушат (күлүп).

- Теру мырзанын кайсы мүнөзүн жактырдыңыз? Учурда эмне менен алектенет?

- Жолдошум жүрөгү таза, камкор адам. Мен жумуштан чарчап келсем тамак-аш жасап, жакшы тосуп алат. Китеп көп окуйт. Бир нерсе кыларда сөзсүз кеңешет. Адатта япондорго комплимент айтса, кабыл алышпайт. Мисалы, "жубайыңыз сулуу экен" десе "жок, сиздин аялыңыз сулуу экен" дешет. Ал эми Теруга ошентип айтышса, "ооба, билем, менин келинчегим сулуу" деп мени менен сыймыктанып турат. Мурун Теру Нагасакиде ишкерлик менен алектенчү. Ал бизнесин сатып, Кыргыз өлкөсүнө келип 1 жылдай жашадык. Эс алып кайра келгенден кийин Япониядан ресторан ачтык.

- Тили, маданияты башка өлкөгө барганда көнүп кетүү кыйын болгон жокпу?

- Тилди билген башка өлкөлөрдө кыйналбай жүрө берчүмүн. Япон тилин билбей, ал жакта тааныган адамым аз болгон үчүн 3 жылдай кыйналдым. Жаңы келгенде кайда барбайын күйөөм коштоп жүрчү, азыр көнүп калдым. Билбеген жерим болсо карта менен таап барам.

- Бизде япон элинин маданиятын, бала тарбиялоодогу ыкмаларын үлгү катары көп айтышат. Алардын үй-бүлөлүк баалуулуктары тууралуу айтып берсеңиз.

- Ар бир үйдүн өз мыйзамдары болсо керек. Япон элинде кандай экенин билбейм, өзүбүздүн үй-бүлөдөгү эрежелер тууралуу айтайын. Биз үйдө баарыбыз чогулуп тамак жейбиз, көп эс алабыз. Кызыбызга көп убакыт бөлгөнгө аракет кылабыз. Урушуп, кол көтөрбөйбүз. Кыргыздар кичинекей балдарды "оозуңду жап, сүйлөбө" деп уруша берет эмеспизби. Япондор балдар менен көбүрөөк сүйлөшүп, баарлашканга аракет кылышат.

- Эми сизди калың журтка тааныткан рестораныңыз тууралуу сурайлы. Ресторан ачуу кимдин идеясы?

- Ресторан ачуу менин идеям. Кичинекей кезимден бул нерсени кыялданчумун. Бизнес ачуу идеямды жолдошума айтсам, дароо макул болду. "Эгер жаңы иш баштайм десең, баарын майда-чүйдөсүнө чейин иштеп чыгышың керек" деди. Бизнес ачууну башында оңой деп ойлогом. Көрсө, толтура нерсеси бар экен. Жарым жылдай даярдангандан кийин ачылып, дегустацияга чакырсак эл жакшы келди. Бирок расмий түрдө ачканыбызда чакырсам да ресторанга эч ким келбей койду. Ошондо жолдошум менден кабар алганы келген экен. "Жумушуң кандай болду?" дегенде "эч ким келген жок" деп ызаланып ыйлап жибердим. "Канча айдан бери кылган эмгегим текке кеттиби? Чыгаша акталбай калабы?" деп ойлоп кеттим. Жолдошум "мен деле иш баштаганда ушундай болгон. Бизнесте мындай нерсе боло берет" деп сооротту.

- Видео калың журтка тарап кетет деп ойлобосоңуз керек?

- Ооба, мен Инстаграм баракчамда көп катталуучум болгон үчүн атайын досторум аз деп видеону Твиттерге жүктөгөм. Алгач 1-2өө бөлүшкөндө маани берген эмесмин. Эртеси карасам 1000ге жакыны бөлүшүп, 120 миңге жакын адам көрүптүр. Туура эмес бир нерсе кылып койдумбу деп коркуп да кеттим. Француз, корей, япон, орус тилинде "эч капа болбо, баары жакшы болот" деп колдоо жазып жатышты. Каттарды окуп жүрөгүм жылыды, дем-күч алдым. "Мен эч качан артка кайтпашым керек. Алдыга гана умтулуп, сөзсүз бутума турушум кажет" деп өзүмө сөз бердим. Азыр Кудайга шүгүр, кардарларыбыз келип баштады. Акырындап ишибизди жүргүзүп жатабыз. Мени тааныбаса да колдоо көрсөтүп жылуу сөз айткан мекендештериме рахмат айтам! Ошондой эле мен бизнес-план түзүп жүргөндө кызыбызды карап, мага дем-күч берип колдогон жолдошума ыраазычылык билдирем. Албетте, мага жазгандардын арасында "капырга турмушка чыгып алды", "байлык үчүн тийип алды" дегендер да болду. Алар менин жашоомду билишпейт да. Андыктан аларды кечирем. Мен кайсы жолдо баратканымды, ким менен турмушка аттанганымды жакшы билем.

- Маегиңизге рахмат! Ишиңиз ийгиликтүү болсун!


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(33)
07.12.2019. 10:35 
Тайпасы:
Жаран
Комментарийлердин саны:
58
Катталган:
27-06-2018
Соӊку аракети:
29-01-2020 17:42
Жынысы:
Белгисиз
0
Умничка, красавица, бактылуу бол!
07.12.2019. 11:21 
Тайпасы:
Жаран
Комментарийлердин саны:
55
Катталган:
04-07-2017
Соӊку аракети:
29-01-2020 19:24
Жынысы:
Белгисиз
+7
татынакай кыз экен бактылуу болсун
07.12.2019. 11:30 
Тайпасы:
Жаран
Комментарийлердин саны:
639
Катталган:
09-06-2018
Соӊку аракети:
29-01-2020 21:56
Жынысы:
Белгисиз
+15
Бул жерде каапыр, мусулмандын эмне кереги бар, главный кыз бактылуу, жанында сүйүп турган күйөөсү бар. Адамга андан башка эмне керек
07.12.2019. 11:42 
Тайпасы:
Жаран
Комментарийлердин саны:
151
Катталган:
18-07-2011
Соӊку аракети:
21-01-2020 22:30
Жынысы:
Белгисиз
Калаасы:
Россия
-8
Өзүң да япондорго окшошуп калыпсын, кайра тирилгенде японка болуп каласың
07.12.2019. 15:53 
Тайпасы:
Жаран
Комментарийлердин саны:
1067
Катталган:
21-05-2012
Соӊку аракети:
28-01-2020 17:26
Жынысы:
Белгисиз
Калаасы:
Планета
+7
Япония ресторан тойканалардын өлкөсү эмес!!! Кыргызстан дейсиңби ресторан ачып байып кеткидей)))
07.12.2019. 16:28 
Тайпасы:
Жаран
Комментарийлердин саны:
82
Катталган:
25-10-2012
Соӊку аракети:
29-01-2020 15:18
Жынысы:
Белгисиз
-8
Интернет жылдызы болгонун ушул сайттан эле окубасам башка жактан коргон жокмун
07.12.2019. 17:25 
Тайпасы:
Жаран
Комментарийлердин саны:
166
Катталган:
28-12-2013
Соӊку аракети:
29-01-2020 18:22
Жынысы:
Белгисиз
+8
Негативный коммент жазгандар!!! Ушунчалык ичиңер өрттөнүп жатат даже жазганыңардан билинип турат.Койсоңор эй,колуңар келсе силер да бактылуу болгула,бактылуу кылгыла.Негатив коммент жазгандардын баары эркектер экен.Бекер отуруп бирөөнү ушактаган силерге жарашпайт эй. Кайсы элде жүдөө көрсөң зайыпты,ошол элдин уулуна кой айыпты деген макал бар...
09.12.2019. 11:28 
Тайпасы:
Жаран
Комментарийлердин саны:
3
Катталган:
01-07-2015
Соӊку аракети:
29-01-2020 19:15
Жынысы:
Белгисиз
-1
AykaMer,ушундай сулуу кыздарыбыз башка улутка турмушка чыкканына ичим куйот,
09.12.2019. 11:54 
Тайпасы:
Жаран
Комментарийлердин саны:
8
Катталган:
29-07-2019
Соӊку аракети:
29-01-2020 18:08
Жынысы:
Белгисиз
+1
AykaMer,Ошо да,Кыз японго кор болуп же кул болуп жашаса ошентип айтышса болот эле.Кызды куйосу суйуп,сыйлап турса эмнеси жаман.
07.12.2019. 17:33 
Тайпасы:
Жаран
Комментарийлердин саны:
166
Катталган:
28-12-2013
Соӊку аракети:
29-01-2020 18:22
Жынысы:
Белгисиз
+12
Чет жерде жүрүп ийгилике жетиптир деп жаңылык кылса эле,ушул кылдан кыйкым таап жамман эле акылдуу болуп кетесиңер да...Ошол силер айтып жаткан каапыр инсан биздин кызды бактылуу кылып жатпайбы.Кана жазгылачы акыркы жолу кимиңер аялыңарга же сүйгөн кызыңарга жок дегенде бир даана гүл бердиңер?! Эгер аялды ушунчалык уважать кылган инсанды көрүп калсаңар сразу эле подкоблучник дей баштайсыңар.Биз кыргыздар чынында эле караңгыбыз,аялы тургай тууп койгон энесине кол көтөргөндөр бар го...Тооба кылдым
07.12.2019. 17:52 
Тайпасы:
Жаран
Комментарийлердин саны:
828
Катталган:
18-09-2018
Соӊку аракети:
28-01-2020 20:35
Жынысы:
Белгисиз
+5
Мен айткандай жалан эркектер негатив жазышыптыр. Ушакчы катындар
07.12.2019. 18:29 
Тайпасы:
Жаран
Комментарийлердин саны:
49
Катталган:
29-12-2016
Соӊку аракети:
17-12-2019 11:44
Жынысы:
Белгисиз
+4
Жылдыздуу кыз экен,молодец, бактылуу болсоң болду кайсы жерде жүрсөң дагы.Негатив комментарийлерге көңүл бурбай эле кой, ар ким деңгээлине жараша жазат да.Алла Таала пенделерине өтө ырайымдуу жана мээримдүү.
07.12.2019. 23:09 
Тайпасы:
Жаран
Комментарийлердин саны:
511
Катталган:
04-01-2015
Соӊку аракети:
28-01-2020 22:24
Жынысы:
Белгисиз
Калаасы:
Ортосунда ыйык тоосу бар калаа.
+1
4 стол, 16 стулья коюп алып эле ресторан дейт экен японияда. андайларды бизде тез татым жер же болбосо ачык асман ашканасы деп коет
07.12.2019. 23:11 
Тайпасы:
Жаран
Комментарийлердин саны:
16
Катталган:
26-01-2016
Соӊку аракети:
29-01-2020 23:12
Жынысы:
Белгисиз
Калаасы:
♡♡♡ОШ♡♡♡
0
Инстадан көрдүм, көпчүлүк посттору адамга мотивация эмес,кайра депрессияга жетелейт экен.Анан жеке жашоосу жөнүндө ар ким өзүнө жоопкер.
07.12.2019. 23:51 
Тайпасы:
Жаран
Комментарийлердин саны:
164
Катталган:
25-05-2013
Соӊку аракети:
30-01-2020 01:06
Жынысы:
Белгисиз
+8
Биздин кыргыз жигитине сүйбөсө да күйөөгө чыгып, өмүр бою азап тартып жашагыча, өз сүйгөнү менен бактылуу жашаганы артык. Биздин жигиттер тим эле бардыгы аялдарын бактылуу кылып жибергендей сүйлөйсүңөр да.
08.12.2019. 00:45 
Тайпасы:
Жаран
Комментарийлердин саны:
401
Катталган:
06-08-2015
Соӊку аракети:
29-01-2020 14:25
Жынысы:
Белгисиз
0
Азамат кыз экенсин. Бактылуу болгула. Бир кадырына жетпеген жигитке чыгып алып омур бою азап тарткыча аябайле жакшы болуптур. Каапыр деген мына орус эли кандай ынсаптуу. Анча мынча кыргыз кылбаган жакшылыкты ушул атам тааныбаган орустардан коруп эле журом. Каапырга тийипсин дегендердин озулору каапыр, акылы тээ илгерки замандын денгээлинде калып калгандар жазат. Так что башты бийик котор да и вперёёд с песней красавица. Ийгилик.
suban78 түзөттү 2019-12-08 00:46:24
08.12.2019. 00:50 
Тайпасы:
Жаран
Комментарийлердин саны:
20
Катталган:
30-06-2015
Соӊку аракети:
08-12-2019 01:38
Жынысы:
Белгисиз
Калаасы:
Ордолуу - Ош
+2
Ушакчы,жалкоо,мелочь, аялга кучун корсоткон кыргызга тийгенче японго тийип бактылуу болгонун сенин женишин!!! Колунан келбейт бирок тилдери олукту тирилтет булардын.
08.12.2019. 03:10 
Тайпасы:
Жаран
Комментарийлердин саны:
9
Катталган:
02-04-2016
Соӊку аракети:
29-01-2020 01:03
Жынысы:
Белгисиз
-1
AKCAHAT,ушул создоруно куйуп кеттим карындаш кыздар бардыгын башка улутка тийгиле япондун баласын багып япондорду кобойткуло емне деген замана
08.12.2019. 19:30 
Тайпасы:
Жаран
Комментарийлердин саны:
401
Катталган:
06-08-2015
Соӊку аракети:
29-01-2020 14:25
Жынысы:
Белгисиз
-1
Бир ширин кызго. Ыйлаба, куйоон тушунуктуу экен, колдоп турса баары жакшы болот. Бул видеодон кийин эми "точнуй" келишет. Андан коро продуктыларды кобуроок даярдап кой. Мен мисалы сенин куйоонун ордунда болсом жыргап кулмокмун тамашалап. Ийгилик. Баары жакшы болот. Эн негизгиси бактылуу болгула, коп жашагыла куйоо бала экоонор. Салам айт Кыргызстандан жапон элине
suban78 түзөттү 2019-12-08 19:30:47
08.12.2019. 20:32 
Тайпасы:
Жаран
Комментарийлердин саны:
846
Катталган:
06-02-2017
Соӊку аракети:
29-01-2020 21:37
Жынысы:
Белгисиз
-1
Азамат акылдуу жакшы кыз экенсин бактылуу бол. Жаман айткандар кызы ХХХХ тийип кетсе озун басат.
Модератор admin_portal түзөттү 2019-12-09 09:19:35
09.12.2019. 03:01 
Тайпасы:
Жаран
Комментарийлердин саны:
55
Катталган:
29-10-2013
Соӊку аракети:
29-01-2020 09:59
Жынысы:
Белгисиз
+2
Укмуш ай! А дегенде туура жазганды үйрөнүп алгылачы, айланайындар!!! Андан соң акыл үйрөтө бересиңер... Бул жерде "акылдуулар", ааламдын аркы бурчунан сүйлөйсүңөр, тим эле ааламды кыдырып чыгып койгондой. Көзүңөр КР менен РФдан башканы көрбөгөн чыгаар да, бутуңар мындан башка жерди баспаган чыгаар... Ушунчалык акылуусунгандар, акылыңар ашып жатыптыр, айткылачы, канча тилде эркин сүйлөп, кайсы тилде катасыз жаза аласыңар?! Кыргыз тилинде туура жазганды билбейсиңер, эмне башка тилде жаза
09.12.2019. 03:41 
Тайпасы:
Жаран
Комментарийлердин саны:
5
Катталган:
04-09-2016
Соӊку аракети:
10-01-2020 06:40
Жынысы:
Белгисиз
+1
Кошмар, кээ бир экстремисттердин мээси даана айнып калыптыр. Бут негатив жазгандар эркек сооройлор го, ушул кыздын жетишкендиктерине ичинер орттонсо, озунор биринчи жетишип албайсынарбы? Кана Японияны койуп Бишкекке эле чайхана ачып коргулочу, колунар бошобой интернетте ушактап отурбайт эленер. Каапыр деп дооругондор, силер ошол каапырлар ойлоп тапкан телефон менен интернетти колдонуп атасынар! Жийиркенсенер ыргытып салгыла, только мусулмандар ойлоп тапкан нерсени колдонгула.
09.12.2019. 08:45 
Тайпасы:
Жаран
Комментарийлердин саны:
166
Катталган:
28-12-2013
Соӊку аракети:
29-01-2020 18:22
Жынысы:
Белгисиз
+1
Zaina,жакшы коммент )))))
09.12.2019. 08:47 
Тайпасы:
Жаран
Комментарийлердин саны:
828
Катталган:
18-09-2018
Соӊку аракети:
28-01-2020 20:35
Жынысы:
Белгисиз
0
Zaina,туура. Бетинен беш ооп мен Катерина Ли.
09.12.2019. 12:03 
Тайпасы:
Жаран
Комментарийлердин саны:
5
Катталган:
04-09-2016
Соӊку аракети:
10-01-2020 06:40
Жынысы:
Белгисиз
+1
katerina.li, :-)
09.12.2019. 12:09 
Тайпасы:
Жаран
Комментарийлердин саны:
265
Катталган:
04-12-2018
Соӊку аракети:
29-01-2020 23:28
Жынысы:
Белгисиз
Калаасы:
Москва
+1
Тооба кылдым,кыргыз жигиттерин бир жолу коргунор келбей калган го.Кыргыз жигиттери аялды сыйлабайт,бактылуу кыла албайт деген создор коп го.Аялдарын бизче да сыйлай албаган тажик, азерлерге деле тийип жатышат.Бизде тен укуктуулук бердик, гендердик тенчилик болду.Баардык жогорку кызматка аялдар иштеп жатышат. Дагы эмне жетпей жатат, айымдар?
09.12.2019. 16:13 
Тайпасы:
Жаран
Комментарийлердин саны:
238
Катталган:
25-04-2016
Соӊку аракети:
27-01-2020 07:12
Жынысы:
Белгисиз
-2
башка улутка тийген кыздарды жарандыктан чыгарып салыш керек торт тарабын кыбла деп каяка барса Ошо Жака барсын, куйоосун кошо жетелеп келбесин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136762;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: