Таласта айдоочу рулду башкара албай бакты сүзүп, эки киши каза болду

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

Талас облусунун Талас районунда жеңил унаа башкаруудан чыгып, эки киши каза болду. Бул тууралуу ӨКМнын басма сөз кызматынан билдиришти.

Маалыматка ылайык, Талас районунун Кызыл-Туу айылында Хонда Акорд үлгүсүндөгү унаанын айдоочусу рулду башкара албай, жолдон чыгып бакты сүзгөн. Жол кырсыктын кесепетинен 2 эркек киши каза болуп, дагы бир жаран жабыркаган.

Жерине 5 куткаруучу тартылып, каза болгон адамдардын жансыз денелерин унаадан чыгарып, ИИМдин кызматкерлерине өткөрүлүп берилген. Ал эми жабыркаган жаранды "Тез жардам" кызматы ооруканага алып кеткен.