Бир пост үчүн миллион доллар: Эң кымбат инстаграм-блогерлердин тизмеси аныкталды

Криштиану Роналду 1-орун

Лионель Месси 2-орун

Кендалл Женнер 3-орун

Дэвид Бекхэм 4-орун

Селена Гомес 5-орун

Дүйнөлүк маалымат каржаттары бул жылы эң көп каражат тапкан инстаграм-блогерлердин тизмесин аныктады.

Биринчи орунга португалиялык футболчу Криштиану Роналду чыккан. Ал журналисттерге бир пост үчүн 1 миллион долларга чукул каражат алганын айткан. Мындан улам спортчу жыл ичинде 47,8 миллион долларга иштеген. Анын капчыгына негизги каражат спорттук кийим кечелерди, парфюмдарды жана косметикалык каражаттарды жарнамалагандан келип түшкөн.

Ал эми экинчи катарга аргентиналык футболчу Лионель Месси илинген. Анын бир посту 678,5 миң долларды түзүп, жыл ичи 23,3 миллион долларга капчыгын кампайткан.

Үчүнчү сапка америкалык супермодель Кендалл Женнер илинген. Ал Кардашьяндардын үй-бүлөсүнүн өкүлү болуп эсептелинет. Анын бир постуна жарнама берүүчүлөр 640,5 миң доллар төлөөгө милдеттүү болушкан.

20 тизменин ичинен төртүнчү орунду англиялык футболчу Дэвид Бекхэм камсыздаса, бешинчи орунду америкалык ырчы Селена Гомес камсыздаган.

Автор: Гүлшат Ысамамат кызы