"Коронавирус аныкталган жарандар умра зыяратынан келген соң ажы той беришкен. Шариятта мындай той каралганбы?". Муфтияттан жооп

Кечээ, 18-мартта эртең менен Саламаттыкты сактоо министрлиги өлкөдө 3 жарандан коронавирус катталганын маалымдаган болчу. Анда Сауд Арабиядан умра сапарынан келгендерн аталган илдетти жуктуруп алышканы айтылган. Көп өтпөй умрадан келгендердин бири элге ажы той бергени жазылган. Кеп ал адамдын көпчүлүк менен болгон байланышы жөнүндө болду. Бирок бул арада ажы той берүүнүн зарылчылыгы барбы же жокпу, умра менен ажылык сапардын айырмачылыгы кандай деген суроонун тегерегинде талкуулар болуп жатты.

Буга байланыштуу SUPER.KG порталы Кыргыз өлкөсүнүн мусулмандарынын дин башкармалыгына барып, ажылык-умра бөлүмүнүн башчысы Жолдошбек Абдылдаевден жооп алды. Абдылдаев адегенде ажылык сапар менен умранын айырмачылыгына токтолду.

"Исламда беш парз болсо, анын бири - ажылык. Кудурети жеткен адам бул амалды аткарууга милдеттүү болуп эсептелинет. Ал эми умра амалы ажылыктын убактысынан башка мөөнөттө деле аткарыла бере турган амал, умраны жылдын каалаган айында барып аткара берсе болот", - деди ал.

Андан кийин Абдылдаев сыйынуу процедураларындагы айырмачылыктарга да токтолду. Ал эми ажы тойлорду өткөрүү шариятта кандай каралат деген суроого төмөндөгүдөй жооп узатты.

"Мен жогоруда айткандай эле ажылык - парз амал, умра сүннөт амал, анан ал жакка баргандан кийин толтура белек-бечкектерди алып келүүнү адат кылып алгандар бар. Бул көрүнүш туура эмес. Анан келип алып той өткөрүп, белектерди таратып, аны алгандар мага тигиндей белек берди, мага жакшы эмес белек болуп калды деген көрүнүштү жаратканы шариятка туура келбейт. Бул ысырапчылык болуп эсептелинет. Ар бир адам бул сапардан келгенден кийин кадимки бир парзды аткарып келгендей эле жөнөкөй жүрүүсү керек.

Болгону зам-зам суу менен курманы алса болот, мунун чыгымы көп эмес. Жакын адамдары ал менен учурашууга келсе суу менен курманы берүү жетиштүү. "Мен сапардан келдим" деп жарыя салып, эл чакыруу туура эмес", - деди Абдылдаев.

Сөзүнүн соңунда коронавируска кабылган 3 сузактык тургун жана алар менен чогуу умрадан келгендер өз алдынча, менчик туристтик фирмалар менен келишим түзүп кетишкенин кошумчалады. Муфтият бул жылы биринчи жолу умра сапарын уюштурганын, алар жөнөткөн жарандардын арасында сөз болуп жаткан авиа каттамда келгендер жок.

Толугураак жоопторду видеодон уксаңыз болот.

"Шариятта ажы той кандай каралат?". Муфтият жооп берет

Автор: Кызжибек Раимова
Фото: Кызжибек Раимова

15:36 19-03-2020

Жазылуу

Тектеш кабарлар:

Өлкө боюнча жалпы 29 миң 827 адам карантинде жатат

"Айдын башында тапшырган анализдин жыйынтыгын айтыша элек" дейт Ала-Бука районунда обсервацияда жаткан дарыгер

Бир суткада Бишкек шаарында 3 медицина кызматкери коронавирус жуктуруп алды

ӨКМ: "Сузакта дезинфекция үчүн элден акча чогултулуп жатат деген маалымат чындыкка дал келбейт"

Коронавирустан өлкө боюнча 16 кош бойлуу аял каза болду

Коронавирус жуктурганы аныкталган 14 жарандын каяктык экени белгилүү болду. Алардын алтоо бишкектиктер (видео, хронология)

+250. Анын көбү кайрадан Бишкекте. Соңку 5 күн ичинде 4 жолу өлкөдөгү коронавирус боюнча эң жогорку көрсөткүч жаңыланды

Экономикалык чөйрөнүн иши кайра жанданганына байланыштуу блокпосттордун саны кыскартыла турганы айтылды

Жалал-Абадда 354 миң 256 адам коронавируска карата текшерүүдөн өттү

Уханда коронавирусту дарылоочу оорукана курулуп бүттү. Курулуш аянтында 3 миңден ашык жумушчу күн-түн дебей иштөөдө

РУБРИКАДАГЫ СОҢКУ КАБАРЛАР

08:49 2025-05-01 | Супер-Инфо

Агата Муцениеце: «Жумуш жок, бомж болуп каламбы деп корком» 101 0

08:23 2025-05-01 | Коом жана турмуш

Министрлик "Диамеддин" үч гемодиализ борборунун лицензиясын токтотту 570 0

08:09 2025-05-01 | Супер-Инфо

Өмүрзак Кайыпов, Кыргыз Республикасынын Эмгек сиңирген артисти: «Жаакка бир чапкансып жаман болчумун» 118 0

23:51 2025-04-30 | Спорт

Кыргыз күрөшү боюнча өлкө биринчилиги өтөт 335 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1607 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1468 0

Архив

Комментарийлер (3)

katerina.li

2020-03-19 17:50:16

Ысырапчылык,копкончулук баары кошулуп кетти ушу умрага. Илгери адамдар жоо барып келчи экен. Келбей калгандар толтура болгон экен. Азыр учака учуп барып келет,анан ал жактан селфиси бутпойт кимиси болсо да пиар кылып жиберет. Келип алып той да кылып жибергендер бар экен. Эми айла жоксоз да жок силерге

Dani

2020-03-19 18:24:05

Менин угушума караганда биздин кыргыздар ушинтип той берип ысырап кылса керек,озбектер ажыга барып келгенин кошунасы деле билбей калат дешет ?

Rusi79

2020-03-19 19:53:33

Жылына бир миллиарда ашык акча сарпталат экен ошого жакшылап бир чооон заманбап оорукана салсак болмок, ажынар сразу кабыл болмок.
Бут кыргызстан батасын бермек кабыл болсун,сообу тийсин деп.Же муфтиятка не выгодно бу я.

-1

Комментарий калтыруу үчүн өз ысымыңыз менен кириңиз же каттоодон өтүңүз.

"Коронавирус аныкталган жарандар умра зыяратынан келген соң ажы той беришкен. Шариятта мындай той каралганбы?". Муфтияттан жооп

&quot;Шариятта ажы той кандай каралат?&quot;. Муфтият жооп берет

Тектеш кабарлар:

РУБРИКАДАГЫ СОҢКУ КАБАРЛАР

"Шариятта ажы той кандай каралат?". Муфтият жооп берет