30-марттан тарта үй карантиндин тартиптерин бузган жарандарга чара колдонула баштайт

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бүгүн, 30-мартта Өкмөт үйүндө биринчи вице-премьер-министр Кубатбек Боронов, ички иштер министри Кашкар Жунушалиев жана саламаттыкты сактоо министри Космосбек Чолпонбаевдин катышуусунда онлайн маалымат жыйыны өттү.

Жыйында 30-марттан тарта үй карантининде жаткан жарандарга карата, ал режимдин тартиптерин бузса, чара колдонулуп баштай турганы айтылды.

Ошондой эле биринчи вице-премьер Кубатбек Боронов коронавирус жуктуруп алган Нарын облусунун тургуну эмне себептен учуп келгенде 14 күндүк обсервацияга алынбаганын түшүндүрүп берди.

"Коронавирус жуктуруп алган Нарындын тургуну келген убакта чет мамлекеттен келген бардык жарандарды обсервацияга жаткыруу маселеси турган эмес. Ошол маалда биринчи категория (ред: эпидемиологиялык абалы начар, вирусту 1000 кишиден ашык жарандары жуктуруп алган өлкөлөр) кирген мамлекеттерден келген жарандар гана жаткырылып жаткан. Андан кийин дүйнө жүзүндө коронавирус аныкталган өлкөлөр көбөйө баштаганда Кыргыз өлкөсүндө эки гана категорияны калтыруу чечими кабыл алынган. Мындай шартта экинчи категорияга кирген жарандар үй карантинине жөнөтүлүп, аларга анын шарттарын түшүндүргөн нускама берилет.

Мындан тышкары жарандар жеке маалыматын камтыган анкета толтуруп, эч жакка чыкпоо боюнча кол койгондон кийин коё берилет. Ошого карабастан, бул жаран 150 адам менен байланышта болсо, анда бул адамдын жарандык жоопкерчилиги жок.

Эми үй карантинин бузгандар боюнча атайын мыйзам иштелип чыгып жатат, анын негизинде тартип бузгандарга карата сөзсүз чара колдонулат", - деди Боронов.

19:40 30-03-2020

Автор: Бактыгүл Султаналиева

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 318 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 704 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 584 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 559 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 434 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 913 0

Архив

Комментарийлер (7)

gukush00

2020-03-30 19:53:24

Баарына жугуп буткондон кийинби. Тигине саякатчы бакадай болуп бироо канча киши мн байланышта болгон.

baku24

2020-03-30 20:30:19

Эллин баары акчаны жакшы корот. Ошондо эле тартипти сактабай карантинде отурбагандарга 10мин сомдон жогору штраф салышканда уйлорундо дымып жатышмак эми кеч

akmanai

2020-03-30 21:45:06

Уйдо бол дегенден кийин уйдо болбогон кандай жоопкерчиликсиз адам ал озу. Кытайды карап туруп деле абалды айттырбай тушунсо болмок чон эле киши(

nazarnew

2020-03-30 21:58:56

Акчасы барлар үйдө олтурат да, акчасы жоктор не дубалды кемиреби чыгат да кыймылдаш үчүн, ач кадырын ток билбейт деген сөз туура да, когда ач калганда вирусун и карантин да не помеха.

-2

Patoshik1

2020-03-30 22:23:02

Кочодо атайин жургондорго салгыла толтура штров. А жумуштан гелгендерге салбагыла , жумушка барып Акча табышышып гелишет семя багам деп. А силер акчаларыны алыб саласынар. Акчасы барлардын гочолорундо жургондордон алгыла тоисть гочодо акчасы менен жургондордон!!!

ainur78007

2020-03-31 06:36:13

Patoshik1,к тамганын ордуна г тамгасын жаза берипсин

katerina.li

2020-03-30 22:30:12

Эптеп эле бир шылтоо айтышат.

Комментарий калтыруу үчүн өз ысымыңыз менен кириңиз же каттоодон өтүңүз.