Түрк окумуштуусу, профессор Атеш Кара коронавируска каршы вакцина иштелип чыгып, ал жаныбарларга жасалган тажрыйбадан ийгиликтүү өткөнүн билдирди. Профессор бул тууралуу өзүнүн социалдык тармактагы баракчасына жарыялаган."Вируска каршы иштелип чыккан жаңы вакцинаны жаныбарларга карата колдонгондо, алардын организминде иммунитет пайда болду. Башкача айтканда, вируска туруштук бере алган антителалар иштелип чыкты. Бул вакцина адамдарды дагы коргой алабы, жокпу аны текшерүүгө убакыт келип жетти", - деген Атеш Кара.
Маалым болгондой, буга чейин Орусия коронавируска каршы вакцина иштеп чыкканын, анын адамдарга текшерип көрүү изилдөөлөрү 2020-жылдын июнь айында башталарын маалымдаган.
Ошондой эле америкалык окумуштуулар дагы вируска каршы вакцина алгачкы изилдөөлөрдөн ийгиликтүү өткөнүн жарыя кылышкан.
