"33-апрель", "Каза болгондордун саны 24". Саламаттыкты сактоо министри бир аптада канча жолу жаңылды?

Сабиржан Абдикаримов саламаттыкты сактоо министри болуп 1-апрелде дайындалган. Ал күн сайын Өкмөт үйүндө онлайн маалымат жыйынында коронавирус боюнча соңку маалыматты берет. Бир апта аралыгында эле жаңы министр бир канча жолу адашып, туура эмес маалымат берип жатканы коомдо сын-пикир жаратууда.

Ошол эле учурда республикалык штаб да, министр да дайыма жарандарды фейк, жалган маалыматтарды таратпоого чакырып келишет.

Адегенде жаңы келген министр маалымат жыйын учурунда 33-апрель деп айтып алган. Министрдин бул сөзү социалдык тармактарда кызуу талкууланган. Айрымдар аны мыскылдашса, кээ бирлери жаңылбаган адам болбой турганын айтышкан. Бирок министр адашканын бул менен эле токтоткон жок. Ал ар бир маалымат жыйынында сандарды айтууда адашып жатты.

Кечээ күнү коронавирустан айыккандардын саны 33 деген маалымат берген. Бүгүн болсо бул маалыматты тактоо иретинде журналисттер "кечээ 33 адам дарыланып жатты дегенсиз, жалпы саны канча?" деп суроо беришти. Ал бүгүнкү күнү 25 адам айыкканын айтып, 10 бейтаптын чыгуусу күтүлүп жатканын билдирди. Деги эле айыккандардын санын министр соңку 2-3 күн бою адашып айтуу менен журналисттерди 10, 19, 23, 33 деп бир канча жолу кошо адаштырды.

Бир жагдайды эскерте кетүү керек: маалымат жыйындар онлайн форматта өтүп жатканы үчүн журналисттердин азыркы учурда маалыматты ошол жерден тактай калуу мүмкүнчүлүгү жок.

Бүгүн болсо министр элдин жүрөгүн түшүрүп коронавирустан 24 киши каза болгонун билдирди. Андан соң өкмөттүн басма сөз катчысы Чыңгыз Эсенгулов 4 адам каза болгонун тактап, абалды жайгарып кетти.

Сабиржан Абдикаримов жыйындын башында жалпы 270 адам коронавирус жуктуруп алды деп маалымат айтып, бир аздан кийин 170 киши деп билдирди.

Мындан тышкары бүгүнкү эле маалымат жыйында Абдикаримов Жалал-Абад шаарындагы жугуштуу оорулар ооруканасы убактылуу жабылганын билдирди. Бирок аталган оорукана эмес, Ош шаарындагы балдардын жугуштуу оорулар ооруканасы убактылуу жабылганы кийин такталды. Бул тууралуу билдирүүнү министрликтин басма сөз кызматынан "министр адашып алыптыр" деп таратышты.

Мындай жаңылуулардан улам коомчулукта "Министр дагы канчага чейин адашат болду экен? Министрликте анын ордуна чыгып маалымат берчү башка өкүл жокпу?" деген суроолор жаралууда.

Автор: Жылдыз Джускембаева

15:34 08-04-2020

Жазылуу

Тектеш кабарлар:

"Маселе талкууланууда". Бишкек мэриясы коомдук транспортторду ишке киргизүүдөн чочулап жатат

Москвадан Ошко 325 Кыргыз жараны кайтып келди

Бир суткада 59 адам коронавирус жуктуруп алса, 107 бейтап илдеттен айыгып чыкты

Саламаттыкты сактоо министри: "Коронавирус жуктурган 3 жаран менен чогуу 135 эмес, 144 киши келген экен"

Кыргыз өлкөсүндө өзгөчө кырдаал 22-мартта, өзгөчө абал 25-мартта киргизилген. Режимдер тууралуу маалымат

Премьер-министр: "Алтынай Өмүрбекова, Космосбек Чолпонбаев болгон тажрыйбасын, билимин, энергиясын көп маселелерди чечкенге жумшады"

Президент Эл аралык валюта фондуна Кыргыз мамлекетине каржылык колдоо көрсөтүү мүмкүнчүлүгүн караштырууну сунуштады

ИИМ: "Өзгөчө абал киргизилгенден бери 3 адам өлтүрүү фактысы катталды"

20-июлда жогорку окуу жайга тапшыруунун биринчи туру башталат. Үйдө отуруп окууга кантип тапшырса болот?

Өлкө боюнча 23 жаран коронавирустан айыгып, соңку сутка ичинде ооруканадан чыкты

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (38)

Agayu

2020-04-08 18:50:43

Дагы жаңылышыңыз сизге да п , бизге да п .КЫРГЫЗСТАНДА бир элита бар дейсинерби

Siren90

2020-04-08 21:30:42

Бул макаланы окуп бир кулуп алдым

akskg

2020-04-08 22:04:19

Жаңылбас жаак, мүдүрүлбөс туяк болбойт дешет. Бул министр сөздөн жаңылганы менен балким, иш үстүндө мыктыдыр. Аллахтан бул илдеттен батыраак кутулуп кетүү үчүн дуба кылып сурайлы.

Usow

2020-04-09 00:14:19

Адашып журуп гангирап калбаса эле болду

Aigesha1511

2020-04-09 01:51:11

Ай ичииим

Muslim.azamatovich

2020-04-09 07:56:00

Койлор

Muslim.azamatovich

2020-04-09 07:57:48

33 апрель

Araika

2020-04-09 10:11:08

Маалыматты эмес комментарийлерди окуп кулдум го

Fara2525

2020-04-09 10:52:13

Просто Соке озунон умныйларды кызматка койбойт турбайбы

Dembele84

2020-04-09 11:06:55

Тооба,ой jок екен да бул кишиде

rtuiop

2020-04-09 11:08:06

Ушундай) капысынан балп этирип алып келип отургузуп койсо кутуусуздон анан жанылат саатачоственники (соотечественники)

Adi010891

2020-04-09 11:09:49

Министр минтип адашып суйлой берсе, анда пацинттердин шору экенда. Башын ооруп барсан ичин ооруп атыптыр бул даарыны ич деп туура эмес диагноз койчудай эле экен

taalay25

2020-04-09 12:42:52

Министр, губернатор, депутаттары да озуно окшош куюп койгондой! Мал ээсин тартбаса арам олот

ruslanz

2020-04-09 13:49:10

Акаевдин учурунан бери кадр саясаты бузулган, мамлекеттик жумушка иштеш учун билим,жондомдуулук маанилуу болбой калган. Тааныш,тууганчылык,акча болсо болду кызмат сеники.Азыр жаштар дагы ушундай ойдо, окугандан коро тааныш издешет.Министрлерди канча жолу алмаштырсан деле ушул корунуш, баары окшош.Спикердин билими жок экен, башкасы эмне болуптур.Айылда деле билими жоктор (диплому бар) айыл башчы,айыл окмот,аким болуп журушпойбу.Ошондуктан олко жашоо денгели б-ча дуйнодо 146 орунда турт да.

DNurgiza

2020-04-09 18:22:06

Эмне дейбиз....эч нерсе дебейбиз да.

Комментарий калтыруу үчүн өз ысымыңыз менен кириңиз же каттоодон өтүңүз.