7 дарыгери коронавирус жуктургандыгы үчүн Ала-Бука аймактык ооруканасынын башкы дарыгери кызматынан бошотулду

Ала-Бука аймактык ооруканасынын башкы дарыгери Бактыгүл Алибаева кызмат ордунан бошотулду. Бул тууралуу Саламаттыкты сактоо министрлигинин юридикалык бөлүмүнүн башчысы Азамат Жумакеев SUPER.KG порталына билдирди.

"Саламаттыкты сактоо министрлиги тарабынан иштелип чыккан атайын алгоритм бар. Анда инфекциялык зонада иштөө тууралуу эрежелер бар. Аны Ала-Бука райондук ооруканасынын башкы дарыгери шалаакылык мамиле кылып аткарган эмес. Дарыгерлердин коопсуздугу биз үчүн абдан маанилүү. Медицина кызматкерлеринин баары ооруп калса, эч ким иштей албай калат. Ошондуктан жетекчи ар бир дарыгерлердин коопсуздугун ойлоп, вирустун очогуна киргенде коргонуучу кийимдерди кантип кийүү керек, өзүн кандай алып жүрүү керек, баарын көрсөтүп, үйрөтүүсү керек болчу. Коронавирус жуктургандан кийин анын кесепеттери көп да. 26-мартта атайын буйрук чыгып, медициналык кызматкерлерди көзөмөлдөгүлө деп эскертүү берилген. Ага карабай аталган дарыгер буйрукту аткарбай тартипти одоно бузгандыгы үчүн кызматынан алынды. Азыр анын ордуна убактылуу орун басары иштеп жатат", - деп билдирди юрист.

Ошондой эле эл арасында айтылып жаткан "Дарыгерлер коронавирус жуктургандарга төлөнгөн компенсация тууралуу угуп, атайын вирусту жуктуруп жатышыптыр" деген маалыматты төгүндөп өттү. "Кайсы акыл-эси соо адам ушундай жолго барсын? Эпидемиянын очогунда иштеп жаткандар өмүрүн чоң тобокелчиликке салып иштеп жатышат", - деди Жумакеев.

Эске салсак, 4-апрель күнү Ала-Бука районунда 14 медициналык кызматкер обсервацияга алынганы жазылган. Кийинчерээк алардын 7өө коронавирус жуктурганы маалым болгон жана республикалык штаб окуя боюнча Саламаттыкты сактоо министрлигине териштирүү милдетин жүктөгөн.

Автор: Гүлжамал Абылкасымова

18:11 09-04-2020

Жазылуу

Тектеш кабарлар:

Бир суткада коронавирус илдетинен 455 бейтап сакайып чыкты

Карантинде битир-садаганы кантип төлөйбүз? Муфтият жооп берет

"Вирус аныкталган жарандар менен катнашта болгон адамдардан кайталанып тест алынбай, дезинфекциялоо иштери да жүргөн жок" дейт Соль-Илецк шаарынан келген жаран

Бир суткада 321 адамдан коронавирус аныкталса, 292 бейтап илдеттен сакайды

Казакстанда коронавирус жуктургандардын саны 1 миң 199га жетти. Анын 18и курсанттар

Коронавирустук инфекциясына каршы вакцинаны иштеп чыгууга бир жылдан кем эмес убакыт кетери айтылды

Бишкек мэриясы шаардыктардан адамдар көп топтолгон жерлерге барбоону өтүнөт

"Вирус жуктурган бир жаран жандандыруу бөлүмүнө түштү". Саламаттыкты сактоо министрлигинин өкүлүнөн маалымат жыйын

Жогорку Кеңештин экс-спикери Чыныбай Турсунбековдун сөөгү жерге берилди

Акыркы суткада коронавирустан айыкты делинген 38 бейтап үйлөрүнө чыгарылды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (4)

katerina.li

2020-04-09 18:21:54

Кай жерде болсо да Акча деген эле соз

muras111211

2020-04-09 18:39:02

Кол алдындагы кызматкерлерге шалаакы мамиле кылганы үчүн жумуш ордунан бошотуп эле койбостон ,жоопко тартылсын.
Министрликтен айтбаса,эскертбесе бир жөн.

Samatalibei

2020-04-09 18:51:13

Жумуштан бошотуп чектелбей жазасын бергиле! Жумуштан бошоп кутулуп кетүү бизде көнүмүш адатка айланып калдыго!

Alixan-Nookat.2015

2020-04-09 18:55:11

Биринчи алар керектүү коргонуучу кийимдерди бердиби,сапаты кандай болду экен? Мен кытайдагы врачтардын кийген кийимин интернеттен көрдүм 5,6 кабаттап кийет экен. Ал эми биздикилердики кандай болду экен?

Комментарий калтыруу үчүн өз ысымыңыз менен кириңиз же каттоодон өтүңүз.