Орусияда 2 жарандын сөөгү унаа үстүнө жүктөлүп, мекенине жөнөтүлдү

Орусияда каза болгон дагы эки Кыргыз жаранынын сөөгү Кыргыз өлкөсүнө бүгүн, 14-апрелде жиберилди. Маркум жарандардын сөөктөрү унаанын үстүнө жүктөлгөн.

Бул тууралуу SUPER.KG порталына Кыргыз өлкөсүнүн акыйкатчысынын Москва облусу жана Москва шаары боюнча өкүлү, "Жалал-Абад" коомдук бирикмесинин төрагасы Улан Кошматов буларды айтып берди.

"Албетте, мекенине сөөгү кеткен маркумдардын аты-жөнү купуя сакталат. Үч-төрт күндөн бери каза болгондордун сөөгүн мекенибизге жөнөтүп жатабыз. Биринчи каттам Жалал-Абад жергесине кеткен. Кудайга шүгүр, ал каттам көздөгөн дарекке жетти. Ал эми жолдо олуттуу көйгөйлөр жаралып калса, элчилик менен байланышып, чечип жатабыз. Ал эми сөөк кетип жаткан унаага айдоочу, анын жанында бир коштогон киши болсун деп талап койгон элек. Бирок алар бизден ары кеткенден кийин адам салып алган учурлар дагы болууда. Анткени айдоочулар салып алган жарандарды чек арага жеткенде түшүрүп койгон учурлар болуп жатат. Мындай окуя кечээ эле катталды.

"Койгула сөөк кетип жатканына сүйүнгүлө, айдоочу, коштоочу эле болсун деп айтсак деле кээ бирөөлөрү кыргызчылык кылып жатышат. Кырсык айттырбай келет, бири көп кабаттуу үйдөн түшүп кетиши мүмкүн, бири ооруканадан ажал табат жана башка. Ал эми маркумдардын сөөгүн Москва-Бишкек, Москва-Ош каттамдарынын айдоочуларына бензиниңерди куюп беребиз, жардам кылгыла деп суранып, салып жиберип жатабыз.

Анткени унаа буйрутма кылып, маркумдун сөөгүн жеткирүү өтө көп акча кетет экен. Каражат чамалуу болгонуна байланыштуу балдардын колуна көп болбосо дагы, бир аз акча карматып бензинин куюп узатып жатабыз", - деди Улан Кошматов.

Маркумдардын сөөгүн мекенине жөнөтүп жатышат

Орусияда 2 адамдын сөөгү унаа ичине эмес, үстүнө жүктөлүп мекенине жиберилди

Автор: Гүлшат Ысамамат кызы
Фото: Улан Кошматов

23:02 14-04-2020

Жазылуу

Тектеш кабарлар:

Быйыл жогорку окуу жайларына жана кесиптик окуу жайларга абитуриенттерди кабыл алуу онлайн форматта жүргүзүлөт (түшүндүрмө)

Өлкөдө дагы 17 адамдан коронавирус аныкталды. Жалпы 746

Премьер-министр Кубатбек Боронов COVID-19, илдеттин экинчи толкуну жана жаңы окуу жылы боюнча маалымат берди

Сузак районунун айылдарынын ички чарбалык жолдору дезинфекцияланды

Балдарга жасалуучу коронавируска каршы вакцина качан иштелип чыгат? Адистин жообу

Бишкектеги №13 үй-бүлөлүк медицина борборунун дарыгеринен коронавирус аныкталган. Мекеме дезинфекцияланууда

Өткөн бир сутка ичинде эмдөөдөн 844 адам өттү

Бир суткада өлкөнүн ооруканаларынан 1247 бейтап айыкты делинип, үйлөрүнө чыгарылды

Футбол боюнча Дүйнө чемпиондугунун финалында Зидандан сокку жеген Матерацци ошол оюнда кийген футболкасын аукционго койду

"Ухан вирусу": Дүйнөдө коронавирус инфекциясын жуктуруп алгандардын саны 60 миллионго жакындады

РУБРИКАДАГЫ СОҢКУ КАБАРЛАР

08:49 2025-05-01 | Супер-Инфо

Агата Муцениеце: «Жумуш жок, бомж болуп каламбы деп корком» 101 0

08:23 2025-05-01 | Коом жана турмуш

Министрлик "Диамеддин" үч гемодиализ борборунун лицензиясын токтотту 570 0

08:09 2025-05-01 | Супер-Инфо

Өмүрзак Кайыпов, Кыргыз Республикасынын Эмгек сиңирген артисти: «Жаакка бир чапкансып жаман болчумун» 118 0

23:51 2025-04-30 | Спорт

Кыргыз күрөшү боюнча өлкө биринчилиги өтөт 335 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1607 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1468 0

Архив

Комментарийлер (10)

Samatalibei

2020-04-14 23:21:05

Өкүнүчтүү маркумдардын сөөгүн көрүп көзгө жаш келет. Аллах жайларын жаннаттан кылсын үй бүлөөсүнө сабыр берсин. Айдоочуга Аллахым ак жол берсин. Жакшы ой жакшы тилек максаттар менен кетсе керек эле чет өлкөгө. Ушундай болорун билишсе кана. Жумушсуздуктун айынан ушул аянычтуу окуялар болуп жатат. Өлкөбүздө өнүгүү деген болор бекен????

+28

Petrovka

2020-04-14 23:22:11

Талаа жеринде мекендештерибиз тынч болушсун. Кандай гана өкүнүчтүү талаа жеринде бала багам деп ажал тапкандардын жаткан жери жайлуу болсун. Аябай жүрөгүм ооруду (((

+23

Belek1710

2020-04-15 00:31:17

Жаткан жери жайлуу болсун, фамилисы көрүнүп калыптыр, жаап койгула С.Инфо

+12

ArgenMers

2020-04-15 01:54:30

Мамлекет сомолёт менен тирүүлөрдү алып кетпесе дагы ушуларды алып кетсе болмок

fora

2020-04-15 04:12:33

Эх женбеков с. ушундайда жарданыныз тийбеген эмне деген бийликте олтурасыз жок дегенде согун алып кете албаган бийликтин кимге кереги бар

fora

2020-04-15 04:16:33

Урматтуу Кыргыз элим мегранттар эртен куздо шайлоо келет ошондо ушул кундорду бир эстеп алып ойлонуп анан шайлайлычы бизге шайлоо укугун бербесе да айылда калган Ата-эне биртугандарга айталычы акчага эмес оздору тандап шайласын

+11

algakaray

2020-04-15 06:23:03

Кыйын эле болду. Жакындарына сабыр берсин!

Kitep

2020-04-15 10:54:23

Алып келе жаткан айдоочуларга да Рахмат!
Эсен-аман жетип келишсин!
Маркумдардын туугандарына кайратуулук сабырдуулук.

dobrajelatel

2020-04-15 13:04:05

Журогум сыздап кетти. Акча табам деп келип, ажал таап кетти. Мусаапыр мекендештер аман-эсен уйлоруно кайтса экен.

Bolunbo.kyrgyz

2020-04-15 22:01:25

Биздин ойдо жактагылар чечсе болотго чимкирик деген атты так туура койуптур урматтуу Атамбаев

Комментарий калтыруу үчүн өз ысымыңыз менен кириңиз же каттоодон өтүңүз.