Гүлнора Каримованын Франциядагы 10 миллион доллары Өзбекстандын казынасына кайтарылды

Франция Өзбекстандын мурунку президенти Ислам Каримовдун тун кызы Гүлнора Каримованын 10 миллион доллар активин Өзбекстандын Юстиция министрлиги менен Башкы прокуратурасына кайтарып берди.

Бул тууралуу жергиликтүү маалымат булактары өлкөнүн Юстиция министрлигинин маалыматына таянып жазып чыгышты.

Маалыматка ылайык, каражат Өзбекстандын мамлекеттик казынасына которулуп берилген жана негиздүү иштерге жумшалат. Мындан сырткары Гүлнора Каримова карактаган башка каражаттарды да чет мамлекеттерден өлкөгө кайтаруу иштери учурда кызуу жүрүүдө.

Анда негизги басым Каримованын дагы 1 миллиард 3 миллион доллар каражатына жасалып жатат.

Өзбекстандын башкы прокуратурасы Гүлнора Каримовага карата кылмыш ишин эл аралык компаниялардын даттануусунун негизинде козгогон. Буга чейин прокуратура Каримовага 2015-жылы августта “опузалоо”, “акча уурдоо” жана “салык төлөөдөн качуу” беренелери боюнча айып коюп, беш жылга эркинен ажыраткан. Кийинчерээк Каримовага дагы “алдамчылык”, “чет өлкөлүк валютаны жашыруу”, “бажы мыйзамдарын бузуу” жана “кылмыштуу жол менен алынган кирешелерди адалдоо” беренелери боюнча кылмыш иштери козголуп, ал жалпысынан 13 жыл 4 айга камакта кала турганы айтылган. Ал эми ушул жылдын 25-февралда интернет айдыңында Гүлнора Каримованын өлкөнүн азыркы президенти Шавкат Мирзийоевге жазган каты пайда болгон.

Анда ал Шавкат Мирзийоевге кат жазып, казынага 686 миллион долларды кайтарып берүүнү сунуштаган.

Каримова биринчи абактан экинчи абакка которулганы, жаңы ачылган кылмыш иштери жана бул иштер Өзбекстандын Баш мыйзамы менен Жазык процессуалдык кодексин одоно бурмалоо аркылуу жүзөөгө ашырылып жатканы тууралуу жазган.

Бул жазалар жана балдарын көп жылдан бери көрбөгөнү анын жанына батканынан улам Каримова өзүнө каршы козголгон кылмыш ишин 686 миллион долларга сатып алууга даяр экендигин айтып, президент Мирзийоевге өтүнүч келтирген.

Автор: Гүлшат Ысамамат кызы

19:27 15-05-2020

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (8)

Qwer007

2020-05-15 19:59:24

Ушуну айтса болот коррупция менен курош деп

+14

Mister-X

2020-05-15 20:05:24

Өзбекстан чет жерде качып жүргөн Каримовадан акча өндүрүп жатат.Бизде мамлекеттеги акчаны казынага төктүрө албады.

+10

AdylbekB84

2020-05-15 20:21:07

Mister-X,кандай чет жакта качып жүргөн Каримова, Өзбекстандын түрмөсүндө жаткан Каримовадан өндүрдү, Гүлнара Каримова өзү Мирзёевке кайрылган, акчаны кайтарып беремин мени залоко бошотуңуз деп, өйдөдө дагы жазылып туратко!

Qwer007

2020-05-15 20:45:37

AdylbekB84, бизде деле жатышатго, бирок бизде андай мамлекет учун токтурбойт. Озунун чонтогун толтурат анан чыгарат

akmanai

2020-05-16 20:39:27

AdylbekB84,Мирзиёевдин закону акчаларды кайтарып берууго туртуп жатса кайтарып берет да анан.

yars2017

2020-05-15 21:36:52

бизде тескерисинче качып кеткен коррупционерге акча салып турат кыйналба деп

al-abu-kinesz

2020-05-15 23:24:44

Бизге да качан МЫРЗАЕВдер келет бийликке?

Tyty1990

2020-05-16 08:35:53

Бизде кечирим суратып тим болушат

Комментарий калтыруу үчүн өз ысымыңыз менен кириңиз же каттоодон өтүңүз.