Пакистанда "Airbus 320" жүргүнчү ташыган учак кулады. Бул тууралуу чет элдик басылмалар жазып чыгышты.
Маалыматка ылайык, учак "Pakistan International Airlines" авиакомпаниясына таандык болгон. Учак Лахордон Карачиге ички каттам менен учкан. Geo TV агенттигинин билдиришинче, учак Карачи аэропортуна коноруна бир мүнөт калганда кырсыкка учураган. Азырынча жабырлануучулар тууралуу маалымат айтыла элек. Болжолдуу түрдө бортто 91 адам болгондугу маалымдалууда. Кырсык болгон жайга куткаруучулар жана аскер бөлүмдөрү жөнөп кетишкени маалым.