Орусиялык басылмалар банк кызматкерлери барымтага алынганын жазууда. Банкка келген белгисиз адам "мина жардырам" деп коркуткан

"Москванын Земляной Вал көчөсүндөгү банк кызматкерлери барымтага алынды" деген маалыматты орусиялык басылмалар жазды. Ага ылайык, бүгүн, 23-майда полицияга банк кызматкерлеринин бири чалып, алардын бөлүмгө келген белгисиз адам банктын 4 кызматкерин жана 1 кардарды барымтага алганын маалымдаган.

"Банкка келген адам имараттын ичинде мина жардыра турганын айтып коркуткан. Күбөлөр ал адамдын рюкзагынан бир зымдардын учтары чыгып турганын полицияга айтышкан. Учурда полиция маалыматтарды териштирүүдө", - деп жазылат маалыматта.

Ошондой эле барымтачы делген адам менен полиция сүйлөшүү аракетин көрүп жатканы кошумчалат анда.

Автор: Кызжибек Раимова