Полиция кызматкеринен кордук көрүп каза болгон теги африкалыктын окуясы америкалыктарды толкутту

46 жашында каза болгон Жорж Флойд.

АКШнын Миннеаполис шаарында полиция кызматкерлеринин кармоо учурунда теги африкалык Жорж Флойддун каза болгонуна байланыштуу нааразычылык акциялары күн санап күчөөдө. Мындан улам аталган шаарга 72 сааттык өзгөчө кырдаал режими киргизилди.

Полиция кызматкерлеринин Жорж Флойдду кармоо учурундагы видео коомчулукка тараган соң эл арасында катуу нааразычылыкты пайда кылган. Окуя орун алган 25-майдан тартып бүгүнкү күнгө элдин кыжырдануусу токтой элек.

28-майга караган түнү шаарда ок атышуу болуп, жерине келген полиция кызматкерлери канжалаган адамды табышкан. Ал ооруканага жеткирилгенде каза болгон. Учурда Миннеаполис шаарында массалык баш аламандык, жашоочулар менен полициянын ортосунда кагылыш орун алып, бир топ имараттарга өрт коюлган. Флойдду кармаган офицерлер иштеген полициялык участоктун айланасына, мэриянын аймагында толтура адам чогулуп жатканы маалымдалат.

Эске салсак, 25-май күнү 4 полиция кызматкери Жорж Флойдду жасалма чек колдонгон деген шек менен кармашкан. Полициянын бири аны жерге жаткырып, моюнуна бутун коюп алганын көрсөткөн видео тараган. Алгач "мен дем ала албай жатам" деп жалбарган Флойд бир аздан кийин эсин жоготкон. Аны "Тез жардам" кызматы менен ооруканага алып барышканы менен сактап кала алышкан эмес.

Жорж Флойддун өлүмү коомчулукта резонанс жараткандан кийин шаардын полиция кызматынын жетекчилиги 4 офицердин жумуштан четтетилгенин билдирген.

Миннеаполис шаарынын мэри Жейкоб Фрей шаарда баш аламандык күч алып жатканына байланыштуу жашоочулар жана шаар коноктору чоң жаракат алуу же өлүмгө дуушар болуу коркунучунда турарын белгилеп, өзгөчө кырдаал режимин киргизген.

АКШда кара терилүү адам өлгөндөн кийин нааразычылык акциясы 2 күндөн бери токтобой келет

Автор: Гүлжамал Абылкасымова

18:30 29-05-2020

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (9)

Belek1710

2020-05-29 21:00:12

Жумуштан алуу менен эле чектелбестен, кызмат абалынан пайдаланып адам өлтүрүү менен соттолушу керек баарысын групповой кылып.

Mintip-menu-suybo

2020-05-29 21:23:03

Басып жатып олтуруптур да ... Соттош керек...

gulya583

2020-05-29 21:57:09

Американын сасык саясаты оздоруно барып кырылып жатып калышса экен. Американын айынан канча мамлекетте согуш болуп атат. Ажап болуптур, бул башталышы эле болсун. Элинин баары митинге чыгып, баш аламандык болуп корбогондой куч алсын Америкада.

-4

KaGaH

2020-05-29 23:08:06

gulya583,койчу ай,орустун пропагандасына суугарылган неме окшойсун го ээ,ал жакта демократия деген бар,сөз эркиндиги деген бар,орруссияда полиция орус эмести өлтүрсө орустар кайра сүйүнүшөт,Америкада эч ким бөлүнбөйт,паспорт алсаң сен толук кандуу Америка жараны болосуң укугунду эч ким тебелебейт,оруссияда орус паспорт алып басмырланып жүргөн мекендештер толтура,оруссиядан кол узсок жакшы жашоо болот

Mister-X

2020-05-29 23:25:27

KaGaH,Ушубу демократиясы?

bekbol2006

2020-05-30 03:29:00

KaGaH,туура айтасын

Arstan18.18

2020-05-30 17:49:13

KaGaH,америкадада бар чернокожныйларды басмырлаган! Азаптаган! Козун чон ачып окучу алам олтурсо иштен алыптыр и все?!

KaGaH

2020-05-30 21:16:37

Arstan18.18,кара терилүү адамды өлтүрдү полиция,бирок ошол кара терилүү адам үчүн ак терилүү адамдар да жүрөт митингде жаңылыктардан карасаң,мен ошону айтайын дегем,ал жакта караларды баардык актар жаман көрүшпөйт,азырынча следствие жүрүп атат ошого жумуштан четтетилди полиция кызматкери,бул деген жоопкерчиликке тартылбайт деген эмес,сот болгондон кийин тагдыры чечилет

Kanchoroasanuulu

2020-05-30 01:39:04

Россия күнөөлүү!

-5

Комментарий калтыруу үчүн өз ысымыңыз менен кириңиз же каттоодон өтүңүз.