БУУ: "Кытай менен Индияны сабырдуу болууга чакырабыз"

БУУнун (Бириккен улуттар уюму) баш катчысынын өкүлү Эри Канеко Кытай менен Индия ортосундагы мындай жаңжалдан улам эки өлкөнү сабырдуу болууга чакырды. Бул тууралуу ал 16-июнда маалымат жыйынында билдирген.

"Биз Индия менен Кытайдын ортосунда орун алган жаңжал тууралуу жана андан каза болгон аскерлер тууралуу кабардарбыз. Мындай кырдаалда эки өлкөнү сабырдуу болууга чакырабыз", - деген Канеко.

Эске салсак, Индиянын Ладакх провинциясындагы Кытай менен болгон чек арада эки өлкөнүн аскер кызматкерлеринин ортосунда кагылышуу орун алып, анын кесепетинен Индиянын 20 аскери каза болгондугу кабарланган.

Автор: Азат Бейшенбеков