super.kg logo

Утурумдук өкмөттүн төрайымы Роза Отунбаеванын апасы 95 жашында дүйнө салды

 

Утурумдук өкмөттүн төрайымы Роза Отунбаеванын апасы Салийка Даниярова 28-июнда каза болду. Ал 95 жашта болгон. Маалыматты “Роза Отунбаеванын демилгелери фондунан" SUPER.KG порталына тастыкташты.

Маркумдун сөөгү эртең, 30-июнда Аламүдүн районунун Байтик айылында жерге берилет.

Салийка Даниярова 1925-жылы 1-январда Талас облусунун Манас районундагы Кеңеш айылында туулган. Мектепти бүткөндөн кийин 1952-жылы Нарын шаарындагы педагогикалык окуу жайда башталгыч класстын мугалими адистигине окуган. Нарын шаарындагы Токтогул атындагы орто мектепте он жылга жакын мугалим болуп иштеген.

Андан кийин жолдошу Исак Отунбаевдин жаңы кызмат орунга которулгандыгына байланыштуу Ош шаарындагы Терешкова атындагы мектепте мугалимдик ишин уланткан. 1964-жылы Ош педагогикалык институтунун биология факультетине тапшырган.

Жолдошу борбор калаага жаңы ишке которулгандыгына байланыштуу мугалимдик ишин 1967-жылы Фрунзе шаарындагы №1 спорттук мектеп-интернатында уланткан. 1975-жылы ушул мектеп-интернаттан пенсияга чыккан.

Педагог Салийка Даниярова узак жылдарды камтыган эмгегин көптөгөн коомдук жана мамлекеттик ишмерлерди, белгилүү спортчуларды окутуп, тарбиялоого арнаган. Көп балалуу үй-бүлөнүн энеси күйөөсү менен сегиз балага өмүр берип, окутуп, тарбиялады, ондогон небере-чөбөрөлүү болду.

Жети кыз, бир уулдун энеси.

SUPER.KG порталынын эмгек жамааты экс-президент Роза Отунбаевага жана анын жакындарына көңүл айтып, аза кайгысын тең бөлүшөт.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
146894;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: