super.kg logo

Өлкөдөгү коронавирус жана пневмония оорусунун статистикасы бириктирилет

 

Бүгүн, 17-июлда вице-премьер-министр Аида Исмаилова онлайн маалымат жыйын берди. Анда өлкөдөгү коронавирус менен пневмония оорусунун статистикасы бириктирилерин айтты.

"Саламаттыкты сактоо министрлиги эксперттердин тобу иштеп чыккан COVID-19 илдетинин Улуттук клиникалык колдонмосунун 3-версиясын бекитти. Аталган Улуттук клиникалык колдонмосу COVID-19 илдетинин даражаларынан, ооруган бейтаптарды дарылоо алгоритминен, аны менен бирге өпкөнүн сезгениши (пневмония), стационардык жана амбулатордук жардамды көрсөтүүдөн турат", - деди Исмаилова.

Анын айтымында, дүйнөлүк саламаттыкты сактоо уюму тарабынан кабыл алынган Эл аралык ооруларды классификациялоого ылайык, 07 классы өзгөчө кырдаал шарттарында колдонулат. COVID-19 илдетин лабораториялык жол менен тастыкталган U07.1 кодуна жана лабораториялык жол менен тастыкталбаган, бирок клиникалык белгилери бар болуп, рентген аркылуу билинген 07.2 кодуна таандык келээри аныкталды.

"Коронавирус инфекциясын бирдиктүү шартта дарылоо үчүн Саламаттыкты сактоо министрлигинин буйругуна ылайык, ПЦР-анализ менен тастыкталбаган, бирок вирустук этиологиясында клиникалык белгилери бар пневмония U07.2 кодуна кирет, мындан улам пневмония боюнча статистикалык учурлар COVID-19 илдетинин көрүнүшү катары саналат", - деп кошумчалады Аида Исмаилова.

16-июлга карата Кыргыз өлкөсүндө коронавирус инфекциясынан жалпы 167 бейтап каза болсо, пневмониядан 612 адам көз жумду.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
148406;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: