"Жоопкерчиликти берип, көмөктөшкөнгө даярмын". Сооронбай Жээнбеков Би-Би-Си кызматына маек берди

"Жоопкерчиликти алып, көмөктөшкөнгө даярмын". Мындай пикирди бүгүн, 6-октябрда өлкө башчы Сооронбай Жээнбеков Би-Би-Си кызматына берген маегинде билдирген.

Суроо: Кыргыз өлкөсүндөгү соңку саясий абалга кандай баа берип жатасыз?

"Алардын максаты шайлоонун жыйынтыгын жокко чыгаруу эмес, өлкөдөгү туруктуу абалды бузуу болгону көрүнүп турат. Муну мен бийликти мыйзамсыз басып алуу деп баалайм. Баарыбыз көрүп жатабыз, эртең менен бири, түштөн кийин бири кызмат талашууда. Ушундай олку-солку абалды көргөн Кыргыз өлкөсү кайрадан ошондой абалга туш болуп калды. Тараптардын баарын мындай ишти токтотууга чакырат элем. Ошондуктан болор иш болду. Столго отуруп баарын укуктук талаада жасашыбыз керек. Абалдан тезирээк чыгыш үчүн тың чыкма жигиттердин колуна жоопкерчиликти берип, мен аларга көмөктөшкөнгө даярмын".

Автор: Бактыгүл Султаналиева