Улуттук Коопсуздук комитетинин мурдагы төрагасы Абдил Сегизбаев президенттикке талапкер катары Борбордук шайлоо комиссиясына арыз жазды. Маалыматты аталган мекемеден билдиришти. Ал өзүн өзү көрсөткөн талапкерлердин арасында.
Абдил Сегизбаев 1973-жылы 25-июнда төрөлгөн. 14-ноябрь саат 21:00гө карата президенттикке ат салышам деп арыз тапшыргандардын саны 62ни түзөт.
Буга чейин Кубанычбек Токтосунов, Адилет Мамамтов, Жыпаркул Тургуналиев, Султан Ажиматов, Бабур Төлбаев дагы Борбордук шайлоо комиссиясына президенттик шайлоого катышуу боюнча арыз беришкен.