"Жихадды жайылтуу менен алектенген". Бишкекте диний-экстремисттик уюмдун мүчөлөрүнүн бири кармалды

Бишкек шаарында "Жамаат ат-Таухид Валь Жихад" эл аралык террордук уюм менен диний-экстремисттик уюмдун мүчөлөрүнүн бири кармалды. Бул тууралуу ИИМдин маалымат кызматынан билдиришти.

Маалыматка ылайык, март айында "экстремисттик материалдарды өндүрүү, жайылтуу, ташуу, жөнөтүү же экстремисттик уюмдардын белгилерин же атрибуттарын интернет аркылуу жайылтуу” беренеси боюнча катталган сотко чейинки өндүрүштүн алкагында "Жамаат ат-Таухид Валь Жихад" эл аралык террордук уюмунун жана диний-экстремисттик уюмдун мүчөлөрүнүн бири, Жалал-Абад облусунун 1996-жылы туулган У.Д. аттуу тургундун үйүнө санкциялык тинтүү жүргүзүшкөн.

"Тергөөнүн жүрүшүндө, санкциялык тинтүү учурунда ал үйдөн диний-экстремисттик көз караштагы эл аралык террордук уюм менен диний-экстремисттик уюмдун идеологиясына тиешелүү болгон колго жазылган дептерлер, дисктер табылды. Мындан аркы жүргүзүлгөн тергөө иштеринин жүрүшүндө Бишкек шаарынын аймагында 1996-жылы туулган У.Д. кармалды. Ага өздүк кароо жүргүзүү учурунда ал жарандан жихад жүргүзүү боюнча жазылган китепче табылды.

Базар-Коргон РИИБинин тергөө кызматы тарабынан У.Д. убактылуу кармоочу жайга киргизилди.
Алынган маалыматка ылайык, У.Д. КМШ мамлекеттеринин бирине барган кезде "Жамаат ат-Таухид Валь Жихад" эл аралык террордук уюму менен диний-экстремисттик уюмдун мүчөлөрү тарабынан азгырылып кирип, аларга жалданып иштеп, Кыргыз өлкөсүнө дагы алардын идеологиясын таратуу менен алектенип жүргөнү аныкталган", - деп айтылат маалыматта.

Автор: Гүлзина Каныбекова
Фото: ИИМдин басма сөз кызматы

15:06 16-03-2021

Жазылуу

РУБРИКАДАГЫ СОҢКУ КАБАРЛАР

13:41 2024-05-19 | Саясат

Өзгөчө кырдаалдар министрлиги шашылыш кайрылуу жасады 201 0

13:26 2024-05-19 | Маданият, шоу-бизнес

Ырчы Кызсайкал Кабылова көз жарды 440 0

12:22 2024-05-19 | Кылмыштар, кырсыктар

Жыргалаң суусуна 7 жана 8 жаштагы эки кыз түшүп кетти 420 0

11:48 2024-05-19 | Түркүн дүйнө

Пакистанга Бишкекте окуган студенттер отурган учак конду 1540 0

11:05 2024-05-19 | Коом жана турмуш

Пакистандын тышкы иштер министри Кыргызстанга келет 1122 0

10:10 2024-05-19 | Кылмыштар, кырсыктар

Оштогу Ак-Буура дарыясына аял киши агып кеткен. Куткаруучулар анын жансыз денесин алып чыгышты (видео) 1511 0

Архив

Комментарийлер (1)

zhazgul98

2021-03-16 16:39:26

Ашыкча диний фанатизм жер жүзүндөгү бардык жамандыктардын булагы. Жихадчылар башка адамдардын жүйөөлөрүн “укпайт”. Жаңы нерсенин бардыгын четке кагып, ой жүгүртүүлөрүн чектешет. Динге тиешеси жок бардык көрүнүштөрдү өтө терс кабыл алышат.

Комментарий калтыруу үчүн өз ысымыңыз менен кириңиз же каттоодон өтүңүз.