Издөө салынат! Чүйдө 21 жаштагы Байсалбек Каныбек уулу дайынсыз болуп изделүүдө

Сокулук районунун милициясы дайынсыз болуп жаткан 21 жаштагы Байсалбек Каныбек уулуна издөө салат. Бул тууралуу Чүй ОИИББинин басма сөз кызматынан билдиришти.

Билдирүүгө ылайык, Байсалбек Каныбек уулу 2000-жылы туулган. Ушул жылдын 11-апрелинде Студенческое айылындагы үйүнөн чыккан бойдон кайтып келген эмес.

Өзгөчө белгилери: бою 168-169 сантиметр, орто дене түзүлүштө, чачы кара кыска.

Кийген кийимдери: кара түстөгү жеңи жок күрмө, узун жеңдүү шахмат көйнөгү, кара жынсы шым, бутунда кара туфли.

Милиция изделип жаткан өспүрүм тууралуу маалымат билгендер болсо, төмөнкү номурларга кайрылып коюуну өтүнөт: Чүй ОИИББинин нөөмөт бөлүмү (0312) 43-01-27, (0312) 43-88-85, Сокулук РИИБинин нөөмөт бөлүмү (0312) 60-75-67, 0558 86 14 86,0701 80 18 03.

Автор: Айжанар Рыспек кызы