Өлкөдө коронавирус илдетинин британиялык штаммы катталды. Анын белгилери кандай?

Саламаттыкты сактоо жана социалдык өнүктүрүү министрлигинен кабарлашкандай, Кыргыз өлкөсүндө биринчи жолу коронавирус илдетинин британиялык түрү катталды.

Коронавирустун жаңы түрү кайдан келип чыккан?

Коронавирустун британиялык штаммы 2020-жылы күзүндө пайда болгону аныкталган. Болжолдуу түрдө жаңы штамм Улуу Британиядагы бейтапта пайда болгон же коронавирус мутациясы байкалбаган башка өлкөдөн алып келинген. Илимпоздор штамм иммундук системи начар, вирусту жеңе албаган бейтапта пайда болушу мүмкүн жана анын денеси коронавирустун мутациясы үчүн ыңгайлуу шарт болуп калды деп эсептешет.

Британ штаммынын белгилери кандай?

Коронавирустун жаңы түрүнө жөтөлүү, катуу чарчоо, тамак жана булчуң оорулары мүнөздүү, бирок жыттын жоголушу Ухан коронавирусуна караганда билинерлик байкалбайт (Бул маалыматтар Улуу Британиянын улуттук статистикалык башкармалыгынан алынган).

Илдеттин аталган жаңы түрү башка штаммдардан эмнеси менен айырмаланат?

Дүйнөлүк саламаттыкты сактоо уюмунун билдиргенине караганда, Британиянын коронавирус штаммы демейдегиден тезирээк жайылууда.

"Акыркы далилдер Улуу Британияда табылган штаммдай тездик менен жайылбай жаткандыгын көрсөтүп турат. Бул жерде биз репродуктивдик санга (бир бейтапты жуктура турган адамдардын саны) таянып жатабыз, алардын саны 1,1ден 1,5-1,7ге чейин көбөйгөн", - деп билдирген Дүйнөлүк саламаттыкты сактоо уюмунун өкүлү Мария ван Керкхове.

Британиялык штамм кадимки коронавируска салыштырмалуу өлүмгө алып келет деген чынбы?

Эпидемиологиялык изилдөөлөргө ылайык, британиялык штаммды жуктуруп алгандардын арасынан 1000 адамдын төрттөн бири көз жумган, ал эми коронавирустун башка түрлөрү менен ооругандардын арасынан миң адамдын ичинен экиден беш бөлүгүнөн өлүм катталган.

Автор: Айзада Кыдырмышева