Баткен облусунан дагы 100 бала Ысык-Көлгө эс алууга жөнөтүлдү

Баткен облусунун Тажикстан менен чектеш аймагында болуп өткөн куралдуу жаңжалда жабыркаган үй-бүлөлөрдүн балдары эс алууга жөнөтүлдү. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматынан маалымдашты.

Маалыматка ылайык, чек ара аймактарынан чогулган 100 бала жана 15 мугалим Ысык-Көлгө эс алууга жөнөтүлгөн.

Белгилей кетсек, буга чейин Баткен облусунан биринчи этапта 146 бала, экинчи этапта 70 бала Ысык-Көлгө эс алууга кеткен.

Автор: Айжанар Рыспек кызы
Фото: Өкмөттүн Баткен облусундагы ыйгарым укуктуу өкүлүнүн басма сөз кызматы