"Образ жок". Сынга кабылган спортчулардын формасы боюнча кыргыз дизайнерлери эмне дейт?

23-июлдан 8-августка чейин Японияда өтүүчү Олимпиада оюндарына катыша турган кыргыз спортчуларынын формасы көпчүлүктүн сынына кабылды. Интернет колдонуучулар "Спортчуларыбыз кудалыкка бара жатышабы?", "Уламалар кеңешинин чапаны го...", "Тойго, сахнага кийүүчү кийим болуптур. Өзүбүздүн спорт кийимдери кайда?" жана башка пикирлерин жазышууда.

SUPER.KG порталы талкууга алынган форма тууралуу кыргыз дизайнерлеринин оюн угуп көрдү. Алардын айтымында, спортчулардын параддык кийимин тигүү боюнча сынак өткөрүлгөн эмес. Айрымдары форманы көрө электигин айтышты.

Дизайнер Зухра Мукамбетова: "Форманы көрдүм, өкүнүчтүү. Образ жок, бул кийимдер биздин мамлекеттүүлүгүбүздү билгизбей калган".

Дизайнерлер союзунун мүчөсү Тапаева Мадина: "Форма кызыктай, өзгөчө түстөрү. Менимче, бул кийим аялдарга көбүрөөк ылайыктуу. А бизде көбүнчөсү балбандар да. Алардын бул форманы кийип жүргөнүн элестете албайм. Бирок дизайнер өзү баа бере алат".

Жаш дизайнер-модельер Арзубек Вонама чалдардын формасы деген пикирин айтат. "Ушул форма тигүү дагы сатылып кетти да, тааныш-билиш болуп! Биздин спортчуларга чалдын образынын эмне кереги бар?! Мен формаларды аз убакытта оңдоп бергенге даярмын", - деген ал.

Ал эми кийимдерди тиккен "Дилбар" мода үйүнүн арт-директору Дильбар Ашимбаева "биздин элге эч нерсе жакпайт" дейт. Улуттук олимпиада комитетинин башкы катчысы Саламат Эргешов бир костюмдун баасы 95 миң сомго чамалаганын айтты.

Автор: Бактыгүл Момбекова

09:13 14-07-2021

Жазылуу

РУБРИКАДАГЫ СОҢКУ КАБАРЛАР

23:41 2025-06-09 | Кылмыштар, кырсыктар

УКМК Жалал-Абадда менчикке мыйзамсыз өткөн жер тилкелери боюнча маалымат берди 474 0

22:58 2025-06-09 | Кылмыштар, кырсыктар

Бишкектеги клубдардын биринин ди-джейи кармалды (видео) 1154 1

22:18 2025-06-09 | Саясат

Элчи Руслан Казакбаев Чехиянын Түркиядагы элчиси менен жолукту 247 0

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 665 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 723 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 637 0

Архив

Комментарийлер (30)

alym21

2021-07-13 20:37:45

Дилбар эже аялдардын тойго кийген кийимин эле тигип журо беринизчи,конгон ишинизди кылып.Соз жок,айтор(((

+14

Margo82

2021-07-13 21:15:16

Олтуруптур го таза,еще 95000 сом бир костюм.
Тезинен алмаштырыш керек.
Нукура кыргызча деп эле биротоло караңгы болуп албагыла да .
Болбойт бул.

Mirnar

2021-07-13 21:30:34

Спортивный формага ушул орнаменттери тушуруп тиксе сонун болмок экен.

Marni

2021-07-13 22:17:49

Дизайнга конкурс жарыяланса болмок экен. Дилбар деген дизайнер колунан келбегенден кийин идеяларга бай, креативдүү дизайнерлерге өткөрүп берсин, ач көздөнбөй.

+10

tsunse

2021-07-13 23:22:18

Митинге кетип аткан чал болуп калат экен, а не спортсмен. Жаштарга жарашыктуу кийим тигип берсин

Alixan-Nookat.2015

2021-07-14 00:09:36

Текшерүү керек кантип эле 95 000 болуп кетти эмне алтын жип менен тигилгенби?

+10

al-abu-kinesz

2021-07-14 00:14:17

Элге эч нерсе жакпайт де...

-8

bond02

2021-07-14 00:22:59

Дизайнер бала туура айтат, оозу кыйшык болсо дагы байдын уулу суйлосун болуп тендерден дагы бир кучтуунун таанышы утту да.

+10

Mubarak

2021-07-14 09:34:40

95минге арзыбайт ушуну дагы тузугураак кп ептешпептирдаа ошончо акча жалько казактарды жакшынакай екен например

Jelezo

2021-07-14 09:57:40

Чапандын ордуна костюм болсо болмок,дүйнөгө шылдың кылыш үчүн ар бирин 95миңден алышса сөз жок.

Ozgocho111

2021-07-14 13:03:53

Чал дебей эле суйлогулочу, же эмне чал болбойсунарбы ыя, аксакал карыяларыбыз деп эле айтсанар

-3

Sajakat14

2021-07-14 23:33:43

Мага жагып турат. Эң негизгиси балбандарыбыз олжолуу орундарга алып келсе болду! Бирок баасы өтө кымбат экен! Ушундай баа кантип болсун!

-4

Targarien

2021-07-15 02:40:40

Жаш дизайнерлер кыйын болсонор форманарды даярдап бир эки модельге кийгизип интернетке эл назарына сунуштап койгула. Эл колдоп кетсе алмашат. Же башка спорттук мелдеште кийилет силер чыгарган форма.

-1

zulya

2021-07-15 05:55:50

Норка шуба эмес тим эле , соболь шубадай го баасы ! Эмне деген уят. Дуйно жузу корот . ушундан коро чет олкодогу дизайнер жалдабайсынарбы . шерменде биздин эркектерибизге женский чапан кийгизип . Дилбар уят

zulya

2021-07-15 06:00:29

Казакстандын . убекстандын и азербажандын формалары аябай сонун чыгыптыр . только биздики уят шерменде . казактардын дизайнер не кайрылбаасынар да

Комментарий калтыруу үчүн өз ысымыңыз менен кириңиз же каттоодон өтүңүз.