Токио шаарында өтүп жаткан XXXII жайкы Олимпиада оюндарынын алкагында кыргыз балбаны Акжол Махмудов бүгүн, 2-август күнү килем үстүнө чыкты.
Кыргыз балбаны алгачкы жүрүшүндө эле тунистик балбанды 11:0 эсебинде татыктуу түрдө жеңип, чейрек финалга чыккан.
Чейрек финалда Акжол Махмудов азербайжандык Рафиг Хусейнов менен кез келип, атаандашынын үстүнөн 9:1 эсебинде жеңишке жетип, жарым финалга чыкты.
Жарым финалда Акжол Махмудов дагы бир күчтүү делинген армениялык Карапет Чалян менен кез келет.