реклама
super.kg logo

Баткендик Адилди Токмоктогу лицейге окууга алып келишти

 

Баткен облусунун тургуну Адил Абдурахимов Токмоктогу лицейге окууга кабыл алынды. Бул тууралуу коомдук ишмер Ассоль Молдокматова социалдык тармактагы баракчасына жазды.

Маалыматка ылайык, Молдокматова Баткендин жаш тургуну Адилди Токмоктогу Жусуп Баласагын атындагы "Сапат" кыргыз-түрк лицейине алып келген.

“Ошентип Жусуп Баласагын атындагы Кыргыз-Түрк лицейинде Баткендин жаш тургуну Адил Абдурахимов менен Айдамир үчүн окуу жылы башталды.

Лицейдин жетекчилигине рахмат, балдар менин суранычым боюнча бекер окушат. Бул жердеги шарттар абдан жакшы. Эң акыркы технологиялар менен камсыздалган.

Мен ишенем, алар көрүнүктүү инсандар болуп, өлкөнүн сыймыгы болушат.

Эске салсам, ушул жылдын март айында Баткен облусунун тургуну Адил чек ара көйгөйүнө көңүл буруу өтүнүчү менен президент Садыр Жапаровго кайрылган, ал эми май айында атасын бошотууга жардам берүү өтүнүчү менен кайрылган. Атасы тажик тараптан камакка алынган эле.

Айдамир майып балдары бар атасынын кароосунда энесиз чоңоюп жатат. Билим менен гана бутка бекем турса болот.

Бир сөз менен айтканда, бул - менин даңктуу, сүйүктүү Кыргыз өлкөмдүн балдары. Балдарга ийгиликтерди, сабырдуулукту, ошондой эле илимди түшүнүүдө жана билим алууда туруктуулукту каалайм”, - деп жазган Молдокматова.

Адил Мажитов чек арада жашоо коркунучтуу болуп жатканын айтып, өлкө башчы Садыр Жапаровго жолуккан.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул кабарды окуду:

Кабарлардын саны:
176313;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: