Күрөш боюнча дүйнө чемпиондугу: Биринчилерден болуп эркин күрөш боюнча балбандарыбыз килемге чыгат

2-10-октябрь күндөрү Норвегиянын Осло шаарында спорттук күрөш, эркин күрөш, грек-рим күрөшү жана кыз-келиндер күрөшү боюнча Дүйнө чемпиондугу старт алат. Бул тууралуу өлкөнүн күрөш федерациясы билдирди.

Маалыматка ылайык, аталган мелдештин алгачкы күндөрүндө эркин күрөш боюнча балбандарыбыз Улукбек Кочкоров (61 кг), Алибек Осмонов (65 кг), Эрназар Акматалиев (70 кг) жана Арсалан Будажапов 79 кг) килемге чыгышат.

Белгилей кетсек, күрөш боюнча дүйнө биринчилигин дүйнөлүк күрөш уюмунун расмий сайтынан көрүүгө болот.

Автор: Жанбулат Жумабеков