Кеминдеги 16 жаштагы кыздын өлүмү: "Оозуна арак куюп, моюнун сындырган". Кыздын апасы соттук отурумга нааразы

21-июнда Кеминде 16 жаштагы мектеп окуучусу Ольга Хабарова киши колдуу болгон. Кылмышка шектүү катары 1979-жылы туулган Б.К. аттуу кошунасы кармалган. Маркумдун апасы Лилия Хабарова SUPER.KG порталына шектүү баштапкы көрсөтмөсүнөн танып жаткандыгын билдирди.

"Шектүү башында берген көрсөтмөлөрүнөн танып жатат. Алгач "Кыздын кийимдерин чече баштаганда кыз катуу кыйкырган. Ошол учурда катуу буюм менен кызды башына эсин жоготкуча чапкам. Кийин эсине келтирип, катуу сабап, аягында муунтуп салгам" деп көрсөтмө берген. Кийин тергөөчүлөрдүн басымынан улам ушундай көрсөтмө бергенин айтып чыкты. Ишке Орусиянын Кыргыз өлкөсүндөгү элчилиги аралашып жатат. Анткени соттук отурум кыргыз тилинде жүрүп жатат. Буга чейин биринчи эле соттук отурум кыргыз тилинде өтүп жатканын айтып чыккам. Жакында төртүнчү отурум болду. Ал кыргыз тилинде өттү. Бизге орусча жакшы сүйлөй албаган котормочу беришти. Ал бизге эч нерсени түшүндүрө албай жатат.

Орусиянын элчилиги жана жактоочум өмүр бою эркиндигинен ажыратууну талап кылып жатат. Анткени ашып кетсе 12 жылга кесилет деп уктум. Биз буга макул эмеспиз. Анткени кызымды мыкаачылык менен өлтүргөн. Соттук-медициналык экспертизанын жыйынтыгына таяна турган болсок, оозуна арак куюп, моюнун да сындырган экен. Куландан соо кызымдын өмүрүн кыйратты. Бул өмүр бою менин жүрөгүмдө так болуп калды. Алар сотко пара беришкен окшойт. Сот шектүүнү актоого аракет кылып жатат.

Ушул себептен улам ортого Орусиянын элчилиги аралашып жатат. Мен жадагалса шектүүнүн акыркы көрсөтмөсү кыргыз тилинде болгондуктан түшүнгөн жокмун. 10-ноябрда Кемин райондук сотунда кийинки отурум болот. Мүмкүн болсо журналисттер келишсин", - деди ал.

Окуянын чоо-жайы:

21-июнь күнү болжол менен саат 17:15 чамасында Кемин РИИБине аталган райондун аймагындагы токойлордун биринен кыздын жансыз денеси табылгандыгы тууралуу маалымат келип түшкөн. Айтылган дарекке барган милиция кызматкерлери жансыз денеге кароо жүргүзгөндө анын киши колдуу каза болгондугу аныкталган.

Бул факты Кылмыштардын жана жоруктардын бирдиктүү реестрине 130-берене "киши өлтүрүү" боюнча катталып, сотко чейинки өндүрүш иштери башталган.

Милиция кызматкерлери тарабынан жүргүзүлгөн издөө иш-чараларынын натыйжасында, бул кылмыш ишине шектелип буга чейин бир нече жолу соттолгон 1979-жылы туулган Б.К. аттуу жаран кармалган.

Автор: Жолдубек Качкынбаев

12:21 08-11-2021

Жазылуу

РУБРИКАДАГЫ СОҢКУ КАБАРЛАР

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 432 0

19:20 2025-05-24 | Маданият, шоу-бизнес

"Бактылуу жар болоюн деп камындым". Ырчы Алтынай тойго кызуу даярдык көрүүдө (видео) 1207 0

18:31 2025-05-24 | Маданият, шоу-бизнес

"Сахнада 20 жыл". Ырчы Мирбек Атабековдун жыйынтыктоочу концерти аншлаг менен өттү (видео) 761 0

18:00 2025-05-24 | Маданият, шоу-бизнес

Блогер Арген Асановдун апасы казак кызына ак жоолук салды (видео) 2153 0

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 574 0

16:36 2025-05-24 | Коом жана турмуш

Улакчы Манас Ниязовго кытайлык кыз сезимин билдирди (видео) 2831 1

Архив

Комментарийлер (10)

Pedri

2021-11-08 12:43:28

Кыргыздарга орусча,орустарга кыргызча...

+11

kgbek5566

2021-11-08 13:45:56

Орусия бироонун ички ишине аралашпаш керек! Бирок обьективдүү каралыш керек бул иш

Artur99

2021-11-08 14:05:33

Орусиянын элчилигине Пок барбы?

Gulina00

2021-11-08 14:50:23

Кыргызстанда жашагандан кийин кыргызча билиш кк,биз россияда кыргызча суйлобойбузго,бирок иликтенип жакшы караш кк жаш кызды олтургонун,элчилик иттикине аралашабы.

+12

Bishkek-Kg

2021-11-08 15:55:20

Gulina00, Иттикине, дегин?)) Чындап эле кыз болсоң респект сага)))!!!

Gold81

2021-11-08 15:04:27

Омур бою эркинен ажыратыш керек болбосо дагы бирону шордуу кылат.

Zarema11

2021-11-08 15:06:56

Биздин жанагы сот болмуштар эски талмасы менен кагазды көргөндө 360 градуска бурулуп кетет да. Кайсы тилде болбосун жазасын көбүрөөк берүү керек да. Башкаларга кийин да зыяны тийет буга окшогон зөөкүрлөрдүн.

Bishkek-Kg

2021-11-08 15:53:49

Ушунча жылдан бери Кыргызстанда жашап, кантип Кыргызча билбейсиң? Кыргызча билгенге милдеттүүсүңөр башка улуттун Кыргыз жарандары!!!

Baha.Kyrgyzstan

2021-11-08 15:55:41

Соттунда башы катып аткан кез экенда акчасын алып актайын десе орус элчилиги аралашып.Эч кимди аралаштырбайле күнөөсү далилденсе өмүр бою эркинен ажыртпайбы ээрчиме соттор

nurik73

2021-11-08 20:14:32

кыргыздын сотуна ишенич кыйын булар пулун болсо кулун болот. ошон учун буларга кийлигишип туруп ушуга окшогон шакалдарды соссуз жоопко тартыш керек.

Комментарий калтыруу үчүн өз ысымыңыз менен кириңиз же каттоодон өтүңүз.