Чыңгыз Айдарбеков: “Кылыч кынында жата берсе бара-бара мокойт”

“Кылыч кынында жата берсе бара-бара мокойт. Жылбай отура берсе, албетте, адамдын да баркы кетет, коомдо өнүгүү да болбойт. Андыктан ар дайым жаңы чакырыктарга даяр турушубуз керек”. Мындай пикирди Чыңгыз Айдарбеков шайлоочулар менен жолугушканда айтты.

Талапкер “Альянс” партиясына өз ишин мыкты билген адистер чогулганын баса белгиледи.

“Кыргызстанды жаратман жол менен өнүктүрүү идеясы бизди бириктирди. Ушул ниетибизден тайбасак эле ынтымагыбыз ыдырабайт деп ишенем. Башка өлкөлөрдө депутаттар конкреттүү максаты менен келишет, өз тармагын жакшы билип, тиешелүү багыттарды өзгөртүүнү максат кылышат. Менин так аныкталган комплекстүү күн тартибим бар, этап-этабы менен элиме пайда алып келе турган кадамдарды жасоо аркылуу ишке ашырам. Партиялаштарым дагы так ушундай комплекстүү кадамдарга даяр. Менимче, биздин партиянын дарамети жогору. Буюрса, Жогорку Кеңеште жакшы кызмат кылып беребиз деп ишенем”, - деди Айдарбеков.

АЛЬЯНС - №3 - БИР КҮЧ!

Чыңгыз Айдарбеков – №3

Аткаруучу: "Супер.кж" ЖЧКсы. Дареги: Бишкек шаары, Турусбеков көчөсү 109. Нускасы 1. Буюртмачы: "Альянс" саясий партиясы. “Альянс” саясий партиясынын каржы иштери боюнча ыйгарым укуктуу өкүлү Ч.К.Арзымбаеванын тескөөсү менен “Альянс” саясий партиясынын шайлоо фондунун каражаттарынан төлөндү. 26-ноябрь, 2021-жыл.

Автор: Азат Бейшенбеков