Бишкек. Түн ичинде айдоочу "Тазалыктын" кызматкерин сүзүп, 51 жаштагы жумушчу каза болду

Бишкекте мас айдоочу "Тазалыктын" кызматкерин сүзүп, жабырлануучу алган жаракатынан улам каза болду. Бул туурасында Милициянын кайгуул кызматынан кабарлашты.

Окуя бүгүн, 18-декабрга караган түнү саат 01:20 чамасында Масалиев көчөсүндө катталды.

"1976-жылы туулган Т.Н. Хонда СРВ үлгүсүндөгү унаасы менен бара жатып 1960-жылы туулган Т.Ш. аттуу жаранды сүзүп алган. Жабырлануучу "Тазалык" муниципалдык ишканасынын кызматкери, ал алган жаракатынан улам каза болду. Айдоочунун мас экени наркологиялык борбордон аныкталды. Унаа айып короосуна токтотулду, тиешелүү экспертизалар дайындалып, кырсыктын келип чыгуу себептери такталууда", - дешти кайгуул кызматынан.

Белгилей кетсек, өткөн аптада "Тазалыктын" жумушчусу айдоочунун колунан каза болгон. Тагыраагы, 12-декабрда эртең менен саат 06:45 чамасында Жибек Жолу жана Осмонкул көчөлөрүнүн кесилишине жакын жерде катталган. Анда Mazda унаасынын айдоочусу жолдогу "Тазалык" ишканасынын кызматкерин сүзүп кеткен. Жаракат алган жаран ооруканага жетпей каза болгон.

Кылмышка шектелип Mazda унаасынын 23 жаштагы айдоочусу кармалганын милициянын кайгуул кызматынан маалымдашкан. Бишкек шаардык мэриясы маркумдун үй-бүлөсүнө мэриянын фондунан 50 миң сом жардам берилерин, андан тышкары Эмгек кодексине ылайык тиешелүү кенемте төлөнөрүн калаа башкармалыгынын басма сөз кызматынан кабарлашкан.

Автор: Бактыгүл Момбекова

16:05 18-12-2021

Жазылуу

РУБРИКАДАГЫ СОҢКУ КАБАРЛАР

10:35 2025-05-24 | Коом жана турмуш

"Жеңгендер Москвага барат". Башкы прокуратура жаштар арасында сынак жарыялады 90 0

09:44 2025-05-24 | Кылмыштар, кырсыктар

Таласта 6 миллион сомдук жер тилкелерин мыйзамсыз менчиктештиргендер аныкталды 129 0

09:06 2025-05-24 | Коом жана турмуш

Өлкөнүн түштүгүндө күчү 3,5 баллга жеткен жер титирөө катталды 334 0

09:02 2025-05-24 | Коом жана турмуш

Бүгүнкү күндөгү дүйнөлүк валюталардын сомго карата курсу 371 0

23:44 2025-05-23 | Түркүн дүйнө

Кытайда дүйнөдөгү эң бийик көпүрөнүн курулушу аяктоо алдында турат (видео) 1710 0

22:51 2025-05-23 | Спорт

Караколдогу реконструкциядан өткөн стадионду президент "Ынтымак Арена" деп атады (видео) 846 0

Архив

Комментарийлер (4)

Aimani

2021-12-18 16:54:03

Мас болуп айдагандарга жазаны күчөтүү керек. Бул эмне эми жумасына бирден адамды өлтүрө сүзүп атышат. Ыйманы саламат болсун.60 жылы туулган болсо 51 эмес 61 жашта болот.

Toxa76

2021-12-18 17:56:05

Aimani,калькулятор колдонбой чыгарып койгон окшойт

Monsterbek

2021-12-18 17:55:01

Арак жакшы жолго алып барбайт! Коп айтам Кыргызстанда аракты азайтуу керек! Кыргызды душмандар эмес ушул арам арак эле кырып салчудай болду!

Misha77

2021-12-18 20:43:18

Уважаемые водители! Соблюдайте ПДД

Комментарий калтыруу үчүн өз ысымыңыз менен кириңиз же каттоодон өтүңүз.