ИИМ: "Милиция кызматкерлери коомдук коопсуздукту камсыздоону улантышууда"

Жаңы жылдык майрамдарга байланыштуу эс алуу күндөрүндө Ички иштер министрлиги коомдук тартипти жана жарандардын коопсуздугун сактоо боюнча бардык зарыл болгон чараларды көрүүдө. Бул тууралуу ИИМдин басма сөз кызматынан билдиришти.

Маалыматка ылайык, өзгөчө маанилүү, стратегиялык жана кайтарууга алынган тиричиликти камсыздоочу объектилерди коргоо камсыздалган.

"Негизги майрамдык иш-чараларда тартипти камсыздоодо коопсуздуктун бардык деңгээлин эске алуу - жакын жердеги турак жай секторунда, массалык иш-чаралар өтүүчү жайларда мыйзамдуулуктун жана тартиптин абалына көзөмөл кылуу болгон. Кайгуул милициясынын посттору майрамдык иш-чаралар өтө турган жайларга жакын жерлерге жайгаштырылды. Милициянын нөөмөт бөлүмдөрүндө, ыкчам тергөө топторунун күнү-түнү нөөмөттө болуулары уюштурулган. Коомдук тартипти жана жарандардын коопсуздугун камсыздоого көмөк көрсөтүү үчүн укук коргоо багытындагы коомдук түзүмдөр, ыктыярдуу элдик кошуундар тартылган", - деп жазылат маалыматта.

Автор: Айсалкын Качкынбекова