Бишкектин четинде жол кырсыгы катталып, бир аял каза болду. Милиция анын жакындарын издөөдө

Бишкектин четинде жол кырсыгы катталып, бир аял каза болду. Бул тууралуу Чүй ОИИББинин маалымат кызматынан билдиришти.

Маалыматка ылайык, 6-январда саат 20:00дө Алма-Ата–Бишкек-Ташкент жолунун 233-чакырымында Дордой-2 конушунун тушунда кебетеси азиялык, болжол менен жашы 40-45 жаштардагы аялды сүзүп кеткен. Кырсыктын кесепетинен аял окуя болгон жерден каза болгон.

Бул факты Кылмыштардын жана жоруктардын бирдиктүү реестрине катталган. Учурда ички иштер органдары аты-жөнүн тактоо боюнча тиешелүү иштерди жүргүзүүдө.

Белгилери: Бою болжол менен 160-165 сантиметр, чачы кыска, кара.

Кийген кийимдери: Кызыл күрмө, боз түстөгү шым, күрөң бут кийим. Жанында көлөч жана күрмө салынган баштыгы болгон.

Көрсөтүлгөн аялды кийими боюнча аныктап, Чүй облусунун ички иштер органдарына маалымдаса болот. Байланыш телефондору: 0312 43 01 27, 0312 36 35 27, 0555-555-229, 0708-555-229 же 102.