10-февралга чейин. Баткен милициясы кенже жетекчилик кызматтарга сынак жарыялады

Баткен облустук ички иштер башкармалыгынын кенже жетектөөчү курамындагы кызматтарга конкурс жарыяланды. Бул тууралуу мекеменин басма сөз кызматынан билдиришти.

Маалыматка ылайык, сынакка "Укук коргоо органдарында кызмат өтөө жөнүндө" Кыргыз Республикасынын мыйзамында белгиленген укук коргоо органдарына кызматка кабыл алуунун жана кызмат өтөөнүн шарттарына жана квалификациялык талаптарына жооп берген адамдар катыша алышат. Тактап айтканда, 19 жашка толгон жана 30 жашка чейин мурда кылмыш жоопкерчилигине тартылбаган, аскердик кызматты өтөгөн же үй-бүлөлүк шарттары боюнча альтернативдик кызматты өтөгөн, бою 170 сантиметрден кем эмес Кыргыз жарандары катыша алышат.

Тиешелүү документтер 2022-жылдын 10-январынан 10-февралга чейин кабыл алынат. Конкурска катышуу үчүн талапкерлер тийиштүү документтердин тизмегин алуу үчүн жана суроолор боюнча Баткен ОИИБинин кадрлар бөлүмүнө кайрылса болот.

Дареги: Баткен шаары, Разаков көчөсү 4.

Байланыш номерлери: 03622 5-02-75

Автор: Кенжебай Сатканалиев