"Достору менен жолукканы кеткен бойдон дайынсыз ". Бишкекте Алтынбек Асанкадыр уулу 2 жылдан бери дайынсыз болуп изделүүдө

Бишкекте Алтынбек Асанкадыр уулу 2020-жылдын июнь айынан бери дайынсыз болуп изделүүдө. Бул тууралуу бир тууган эжеси Альфинура Жунушбаева билдирди.

Анын айтымында, иниси 2020-жылы Таштар-Ата аймагындагы Виноградная көчөсүндөгү үйүнөн чыгып кеткен бойдон кайтып келген эмес.

"Иним 1996-жылы 13-мартта туулган. 2020-жылы 19-июнда достору менен жолукканы үйдөн чыгып кеткен бойдон дайынсыз болууда. Эч кандай оору менен жабыркачу эмес.

Милицияга кайрылганбыз, табылбай жатат", - деп билдирди Жунушбаева.

Белгилери:

Бою 173 сантиметр, салмагы 50 килограмм.

Кийген кийимдери: кара жынсы шым, кара футболка (ред.: жай мезгили болгондуктан), кара пиджак, бутунда кара түстөгү кроссовка, барсеткасы бар болгон.

Сүрөттөгү адамды көрүп, билгендер болсо 0700 55 22 01 номерине кайрылып коюуну жакындары өтүнөт.

Автор: Айжанар Рыспек кызы
Фото: Альфинура Жунушбаева