Бишкек шаарында тамеки тартууга каршы рейддик иш-чаралар өткөрүлдү

18-январда Бишкек шаарында тамеки тартууга каршы рейддик иш-чаралар өткөрүлдү. Бул тууралуу мэриянын басма сөз кызматынан билдиришти.

Маалыматка ылайык, Бишкек шаарынын Октябрь райондук акимчилигинин кызматкерлери аймактык тескөөчүлөр жана Бишкек шаарынын мамлекеттик санитардык-эпидемиологиялык көзөмөлдөө борборунун санитардык дарыгерлери менен биргеликте "Тамеки тартуу" рейдин өткөрдү.

"Иш-чара тамеки тартууну алдын алуу максатында оюн-зоок жайларында өткөрүлдү. Рейддин катышуучулары мекеме-ишканалардын жетекчилери жана коноктору менен коомдук жайларда тамеки чегүүгө тыюу салуу, мындан аркы кесепеттер тууралуу сүйлөшүү жүргүздү", - деп жазылат маалыматта.

Автор: Алина Айдарбекова