Статистика комитети: "Өлкө боюнча калктын жашоо минимуму 17 пайызга көбөйдү"

2021-жылы жашоо минимумунун көлөмү 17 пайызга көбөйдү. Бул тууралуу Улуттук статистика комитетинен билдиришти.

Маалыматка ылайык, 2021-жылы жашоо минимумунун көлөмү жалпы республика боюнча 6 268,31 сомду түздү жана 2020-жылдын тиешелүү мезгилине салыштырганда 17 пайызга өстү.

Аймактар боюнча жашоо минимуму
(орто эсеп менен киши башына, айына сом менен)

2021-жылы жашоо минимумунун эң жогорку өлчөмү Жалал-Абад облусунда, Ош жана Бишкек шаарларында белгиленди. Ошол эле учурда, 2020-жылга салыштырмалуу жашоо минимумунун эң чоң өсүшү Ош шаарында (19,1 пайызга), Баткен оюлусунда (18,1 пайызга) белгиленди.

Кыргыз Республикасынын Өкмөтүнөн 2009-жылдын 6-ноябрындагы № 694 токтому менен бекитилген жашоо минимумунун түзүмүнө ылайык, азык-түлүк товарларынын үлүшү 65 пайызды, азык-түлүк эмес товарлар - 16 пайызды, кызмат көрсөтүүлөр - 17 пайызды жана салыктар - 2 пайызды түзөт. Азык-түлүк корзинасынын энергетикалык баалуулугу 2101 ккал түзөт, ал эми анын химиялык курамы 73 грамм белокторду жана 71 грамм майларды камтыйт.

Социалдык-демографиялык топтор боюнча жашоо минимуму
(орто эсеп менен киши башына, айына сом менен)

	Жылына орточо эсеп менен		Өткөн жылдын тиешелүү мезгилине карата пайыз менен
	2020	2021	Өткөн жылдын тиешелүү мезгилине карата пайыз менен
Бардыгы	5 358,53	6 268,31	117,0
Эмгекке жөндөмдүү курактагы калк	6 003,64	7 040,33	117,3
анын ичинен:
эркектер	6 143,79	7 219,11	117,5
аялдар	5 957,12	6 990,75	117,4
Пенсионерлер	4 785,43	5 580,35	116,6
Балдар	4 532,95	5 282,48	116,5
анын ичинен, жашы:
0дөн 7ге чейинки	4 015,40	4 673,39	116,4
7ден 14кө чейинки	4 716,76	5 489,42	116,4
14-17	5 139,18	6 012,49	117,0