Жазаларды аткаруу кызматынын кадрлар резервин түзүү үчүн конкурс жарыяланды

Жазаларды аткаруу кызматынын кадрлар резервин түзүү үчүн конкурс жарыяланды. Бул тууралуу аталган кызматтан билдиришти.

Маалыматка ылайык, ЖАКтын орто жана улук жетектөөчү курамынын бош кызмат орундарын ээлөөгө 2022-жылдын 15-мартына чейин кадрлар резервин түзүү үчүн конкурс жарыялансын деп кадрлар башкармалыгына тапшырма берилген.

Анда конкурска катышуу үчүн тапшырылган документтерди кабыл алуу жана андан ары кароо боюнча ишти уюштуруу, конкурска катышууга жол берилген талапкерлердин тизмесин комиссияга берүү жана тандалган катышуучулардын тизмесин жарыялоо каралган.

Буйруктун аткарылышын төрага өзү көзөмөлдөмөкчү.

Автор: Айсалкын Качкынбекова