Президент Кыргыз-Тажик жаңжалында октон жаракат алган чек арачыга батир берди

Өлкө башчы Садыр Жапаров бүгүн, 23-февралда Чек ара кызматынын 2022-аскер бөлүгүнүн "Көк-Таш" чек ара заставасынын башчысы Мирбек Султанбек уулу жана чек ара жаңжалында каза болгон прапорщик Бекзодбек Юлдашевдин жубайы Гүлхайо Кодирова менен жолугушту.

Мамлекет башчысы чек арачы Мирбек Султанбек уулунун ден соолугун сурап, анын тезирээк сакайып кетишин каалап, мамлекеттик чек араны коргоодо көрсөткөн эрдиги үчүн терең ыраазычылыгын билдирди. Президент Мирбек Султанбек уулун Ата Мекенди коргоочулар күнү менен куттуктап, ага Бишкек шаарынан батирдин ачкычын тапшырды.

Ал эми Бекзодбек Юлдашевдин келинчегине дагы бир жолу көңүл айтып, ага жана балдарына ден соолук, узун өмүр каалап, материалдык жардам көрсөтүлдү.

Эске салсак, 2020-жылдын 8-майында Баткен облусундагы Кыргыз-Тажик чек арасында болгон окуяда Мирбек Султанбек уулу октон жаракат алган. Ал "Эрдик" медалы менен сыйланган.

Чек ара кызматынын прапорщиги Бекзодбек Юлдашев 2021-жылдын апрель айында Кыргыз-Тажик мамлекеттик чек арасынын Баткен облусундагы тилкесинде куралдуу кагылышта каза болгон. Ал курман болгондон кийин "Эрдик" медалы менен сыйланган. Анын үй-бүлөсүнө да буга чейин Бишкектен батир берилген.

Автор: Бактыгүл Момбекова
Фото: Президенттик аппараттын маалымат кызматы

14:28 23-02-2022

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 231 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1161 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 919 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 397 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1219 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 307 0

Архив

Комментарийлер (2)

Tursunbaev1978

2022-02-23 14:45:20

Өзгөндүк балага да жардам бербейсиңерби?ал дагы Баткенде жаракат алып,майып болуп калыптыр

Dembele84

2022-02-23 19:51:09

Баарына тен карагыла!Бир эки адамды алып келип сыйлап элге мактанып отурбай,баарына бардык жактан комок корсоткуло!Ыдырыс Исаковдун [moderated] каналында дагы бир жоокер журот майып болуп,сураган киши жок экен.

Комментарий калтыруу үчүн өз ысымыңыз менен кириңиз же каттоодон өтүңүз.