Бишкекте 39 жаштагы киши бийиктиктен боюн таштап, өз жанын кыюуга аракет кылды

Бишкекте курулушу бүтө элек көп кабаттуу турак үйдөн боюн таштамакчы болгон 39 жаштагы жаран куткарылды. Өзгөчө кырдаалдар министрлигинен билдиришкендей, өз жанын кыюуга аракет көргөн жаран сүйлөшүүлөрдүн натыйжасында жерге түшкөн.

"24-февралда Байтик-Баатыр-Сүйөркулов көчөлөрүнүн кесилишиндеги курулушу бүтө элек көп кабаттуу турак үйдөн 1983-жылы туулган К.А. аттуу эркек киши секирип өз өмүрүн кыюуга аракет кылган. Жерине 5 куткаруучу, милиция кызматкерлери жана "Тез жардам" кызматынын кызматкерлери тартылган. Сүйлөшүүлөрдүн натыйжасында эркек киши жерге түшүрүлдү", - дешти маалымат кызматынан.

Эске салсак, 2021-жылы дал ушул имараттан 22 жаштагы Мунарбек Ташкулов боюн таштап каза болгон.

Автор: Бактыгүл Момбекова