Украинадагы Кыргыз жарандарын эвакуациялоо үчүн Румыния аркылуу маршрут түзүлдү

Украинадагы акыркы кырдаалдарга байланыштуу Кыргыз жарандарын үчүнчү өлкөлөр аркылуу эвакуациялоо үчүн Румыния аркылуу маршрут түзүлдү. Бул туурасында Тышкы иштер министрлиги кабарлап, Румыния тараптын койгон талаптарын атады.

Маалым болгондой, Бухарест шаарынан учуп чыгуу үчүн:

1. Кыргыз жарандары транзиттик визаны Румыниянын Черновцы шаарындагы Башкы консулдугунан (Школьная көчөсү 16, телефон: +380372545434) алышы керек же евиза.mae.ro шилтемеси боюнча электрондук визаны каттоосу керек.

2. Коронавируска каршы эмдөөдөн өткөндүгү тууралуу сертификат же ПЦР тесттин жыйынтыгы болушу керек.

"Суроолор боюнча Кыргыз өлкөсүнүн Украинадагы консулу Эрмек Каныбековго +380997573413, +380442370347 номерлери аркылуу кайрылыңыздар.

Учурда Украинанын бардык аймагында карама-каршы тараптардын ортосундагы согуштук аракеттер жүрүп жатканына байланыштуу жеке коопсуздукка коркунуч келиши мүмкүн экендигине көңүлүңүздөрдү бурабыз. Ушуга байланыштуу жашаган жериңиз коопсуз болсо, элчилик Украинанын аймагындагы кырдаал жөнгө салынганга чейин ошол жерде калууну сунуштайт", - дешет маалымат кызматынан.

Автор: Бактыгүл Момбекова