Жоламан Шаршенбеков Азия чемпиону болгондон кийин укмуштуудай сальто жасады (видео)

Бүгүн, 20-апрелде Улан-Батор шаарында өтүп жаткан күрөш боюнча Азия чемпиондугунда кыргыз балбаны Жоламан Шаршенбеков 60 килограмм салмакта Азия чемпиону аталды.

Финалда кыргыз балбаны ирандык 23 жаштагы Мехди Мохсен Нежадды 4:0 эсебинде жеңип алды.

Муну менен Жоламан Шаршенбеков карьерасында алгачкы ирет Азия чемпиону болду. Буга чейин ал Азия чемпиондугунда эки жолу күмүш байге уткан ("Бишкек-2018") жана "Нью-Дели-2020").

Күрөш федерациясы Жоламан Шаршенбековдун финалдан кийинки эмоциясы менен сальто айланган видеосун жарыялады. Видеодо көрүнгөндөй, Жоламан Шаршенбеков кооз сальто жасагандан кийин желекти алып, килемди айланып чуркаган.